Tshiṱori nga: Kaizer Nengovhela. Thalutshedzo nga: Khathutshelo Raliphaswa.
Vhatukana vha vhili na munna vho fhelelwa nga mashudu musi vha tshi farwa nga murahu ha u tambudza havho vhadzulapo vha vhupo fhasi ha tshipholisa ha Tshilwavhusiku na Waterval. Vhatukana avho vha na minwaha ya fumi-sumbe, hone munna uyo wa minwaha ya furaru-ṱhanu. Vho farwa nga musumbuluwo wa ḽa fumi malo Khubvumedzi vhuponi ha Madombidzha, Madodonga na Mpheni.
Vhahumbulelwa avho vho farwa Tshilwavhusiku na Waterval zwi tshi tevhela u tevhela vhuṱala ha mapholisa kha milandu ye yavha yo vhigwa Tshilwavhusiku. Vho farelwa u vha na tshiendedzi tshine ha humbulelwa uri tsho tou ṱangulwa, uvha na ndaka ya u tswiwa, na milandu mivhili ya uvha na gulu,tshigidi zwi siho mulayoni.
Vhahumbulelwa vhe vha farwa Hamadodonga na Mpheni vhovha vhe na dzi gulu dza zwigidi.
Kha u farwa ngei kusini kwa Madombidzha, mapholisa vho dzhi tshigidi, dzi gulu dzi sa athu u shumaho, dzi ṱhingo thendeleki, zwiambaro zwa mapholisa, zwiambaro zwa u ḓi thivhela zwa Masole, khubahede ntswu, mafola a mbanzhe, nomboro dza moḓoro mbili na moḓoro wa toyota conquest ya nomboro dzi songo nwaliliswaho lwa mulayo ye yavha I khou ṱumanywa na mulandu wa goloi ye ya ṱangulwa vhuponi ha Waterval,
Mukhomishina wa mapholisa a Limpopo, Vho Lt Thembi Hadebe vho livhuwa zwihulu thimu ye ya kona u wana mavemu aya, thimu iyo yo faṱwa nga miraḓo ya yunithi ya u thivhela vhugevhenga Tshilwavhusku, mapholisa a Tshilwavhusiku, Vhane vha dzulela u mona mona vha Vhembe Highway, Yunithi ya K9 ya Makhado, yunithi ya u thivhela vhugevhenga ya Makhado na vha tsireledzo ya vhupo ha mahayani.
"Ndo takala vhukuma kha zwe thimu iyo ya zwi bveledza nga u fara mavemu vhe vha vha vha khou tambudza vhadzulapo vhashu. Zwine zwa tou vhaisa ndi u vhona uri na vhatukana vhaṱuku ngaurali vho ḓi dzhenisa kha vhugevhenga u fhira u sedzana na pfunzo dzavho. Vhane vha dzulela u tambudza na u ita vhugevhenga vha ḓo farwa vha vhonana na tshanḓa tsha mulayo," vha amba.
Vho Lt Col Malesela Ledwaba, muambeli wa mapholisa vhari tsedzuluso dzi kha ḓi bvela phanḓa, hone hu kha ḓi ḓo farwa vhanwe vhahumbulelwa.
Vhahumbulelwa avha vhana vho ḓi vhonadza khothe ya madzhisiṱiraṱa wa Tshilwavhusiku nga Lavhuraru ḽa vhege yo fhelaho, fhedzi nga tshifhinga tsha musi gurannda itshi anḓadzwa hovha hu sa athu u ḓivhiwa mvelelo dza khothe iyo.