Tshiṱori nga: Frank Mavhunga. Ṱhalutshedzo nga: Khathutshelo Raliphaswa.
Vho-Alejandro Dorado Rodriguez vha minwaha ya furaru malo vho nangwa uvha mugudisi muhulwane wa thimu ya Black Leopards. U nangwa ha Vho-Rodriguez zwo khwaṱhisedzwa nga mudzulatshidulo muswa wa thimu, Vho-Tshifhiwa Thidiela, kha guvhangano lavhoramafhungo ḽe ḽa farwa Meropa Casino nga Musumbuluwo.
Nga ḽa fumbiliraru Fulwi, Vho-Thidiela vho zwi khwaṱhisedza uri mutambi wa kale, Vho-Peter Mponda vha minwaha ya fuiṋa-thihi, vho nangwa sa mugudisi-muthusi. Vho-Rodriguez na Vho-Mponda vha ḓo lingedza u gudisa vha thimu ya Black Leopards uri vha shume zwavhuḓi kha ḽigi ya vhugwena ya Motsepe Foundation.
Uya nga mudzulatshidulo Vho-Thidiela, mugudisi vha ḓo ḓisa munwe muthusi uri a shume na Vho-Mponda. Naho Vho-Rodriguez vha tshi ḓivha nga ha bola ya Afrika Tshipembe hu tshi vhalwa na thimu ya Black Leopards, Vho-Mponda vha ḓivha thimu ya Black Leopards tshoṱhe.
Vho-Rodriguez vho thoma buḓo ḽavho ḽa uvha mugudisi kha thimu ya Spanish Giant Real Madrid nga ṅwaha wa gidimbili fumimbili. Nga ṅwaha wa gidimbili fumi malo, vha nangwa uvha mugudisi-muthusi wa thimu ya FC Honka he vha gudisa lwa khalanwaha nthihi. Vha dovha hafhu vha gudisa kha ḽa China na ḽa Canada vhukati ha minwaha ya gidimbili fumi ṱahe na gidimbili fumbilimbili. Zwa zwino vha na ḽaisentsi ya UEFA Pro.
Vho-Mponda avha muswa kha ḓivhazwakale ya Black Leopards, buḓo ḽavho ḽa uvha mutambi wa bola ḽo simuwa nga ṅwaha wa ḓaṱahe fuṱahe-ṱhanu. Vho tambela dzi thimu dza tshivhalo kha shango ḽa Malawi vha saathu u pfulutshela Afrika Tshipembe nga ṅwaha wa gidimbili ṱhanu.
Thimu ye vha thoma ui tambela vha tshi swika Afrika Tshipembe ndi ya Black Leopards. Vho tambela thimu ya Black Leopards lwa khalanwaha ṱhanu vha saathu u tambela thimu ya Santos FC. Vho awela kha buḓo ḽa uvha mutambi wa bola nga ṅwaha wa gidimbili fumimbili vha tshiya uvha mugudisi wa bola. Vhovha mugudisi muhulwane wa thimu ya lushaka lwa Malawi ya U/20 tshe vha thoma maḓuvha avho au awela.