Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Musi zwitshavha, nga maanḓa zwa vhupo ha mahayani, zwi tshi khou tambula nga u wana tshumelo dze zwa fulufhedziswa nga muvhuso, tshitshavha tshithihi tsho ḓidzhiela vhuḓifhinduleli ha u khwinisa matshilo avho.
Vhadzulapo vha mahayani ngei Tshimbupfe nnḓa nyana ha Vuwani vha khou ita zwithu nga nḓila yo fhambanaho, nahone musi ri tshi sedza maitele authoma, vhumatshelo vhu vhonala vhu tshi penya kha muvhundu.
Kha nyito ya ḓivhazwakale nga ḽa 19 Lambamai 2025, fhethu ho vhumbwaho nga mivhundu ya 13 ho ṱangana kha u thomiwa ha ḓivhazwakale ha mushumo une wa vhidziwa uri Do It Yourself (DIY).
U rwelwa ṱari, he ha ṱanganelwa nga vhakwameaho vho fhambanaho na u ṱanganedzwa nga murangaphanḓa muhulwane wa mvelele, Thovhele Tshedza Netshimbupfe, zwo swaya tshifhinga tshi re na maanḓa na u ḓikukumusa kha matshilo a tshitshavha itshi tsho ṱanganaho tsini, ho farelwa maḓakani, mushumo wo farelwa mudavhini wa hanefho muvhunduni.
Vho Pfarelo Mathivha, muambeli wa DIY na muṅwe wa vhadzudzanyi vha mushumo uyu, vho ṱalusa vhukando uhu sa maṱavhelo maswa o vhumbiwaho nga vhuthihi, bono na nyito.
"Sa tshitshavha, ro tambula vhukuma musi ro lindela muvhuso u tshi thusa kha zwithu zwi ngaho dzibada na nḓisedzo ya maḓi zwine zwa sa khou ḓa. Ro tambula vhukuma nga u xelelwa nga zwiendedzi zwashu nga ṅwambo wa themamveledziso ya bada i si yavhuḓi nahone ro pfa uri tshelede ine ra khou i shumisa u lugisa dzibada ndi ya u khwinisa goloi dzashu nga ṅwaha washu. Vhukando ho bva hanefho kha idzo khaedu. Mushumo uyu ndi vhukando vhu rangwaho phanḓa nga tshitshavha vhune ha ṱuṱuwedzwa nga lutendo lwa uri ro fara maanḓa a u vhumba vhumatshelo hashu nga zwanḓa zwashu. Maitele o sedza kha themamveledziso ya bada khathihi na u khwinisa mupo washu.
"Vhukando ndi vhuṱanzi vhune ra nga vhu swikelela musi ri tshi bva kha u lindela tshanduko ya vha tshanduko ine ra i ṱoḓa. Sa tshitshavha, ri khou ya u shumisa zwishumiswa zwa tshitshavha u khwinisa tshitshavha tshashu; vhaḓivhi vhoṱhe nga ngomu ha tshitshavha vha ḓo ṋetshedza tshumelo dza pro bono kha tshitshavha," vha amba.
Vho Mathivha vho isa phanḓa na u sumbedza uri vha khou thoma nga nḓila dzavho sa vhukando ha u thoma. "Ri dovha ra takala ngauri Thovhele Tshedza Netshimbupfe vho ṱanganedza mushumo uyu nahone vha fulufhedzisa thikhedzo yavho kha vhathu vhavho. Ri khou ya u tshimbila ro farana na vhurangaphanḓa ha mvelele kha vhupo honoho na hone. Ri ri zwo eḓana, tshanduko i thoma kha riṋe nahone ri ṱoḓa u vha tsumbo kha zwiṅwe zwitshavha zwine zwa kha ḓi gungula nga ha u sa wana tshumelo ya
Muṅwe na muṅwe ane a khou vhidzelela, u ḓiimisela u thusa, hu nga vha nga zwa masheleni kana tshumelo dza nyeletshedzo. Ri ḓo livhuwa arali vho ramabindu na muthu muṅwe na muṅwe a tshi nga farana na riṋe," Vho Mathivha vha engedza.
U wana zwinwe zwa zwidodombedzwa zwau engedza nga ha mushumo uyu, Vho Mathivha vha nga kwamiwa kha (076) 414 8541.