Tshiṱori nga: Thembi Siaga. Ṱhalutshedzo: Khathutshelo Raliphaswa.
Vhadzulapo vha kusi kwa Ximixoni, nnḓa nyana Ha-Malamulele, vho sala vho akhamadzwa nga murahu ha u wanwa ha lushie nga ngomu ha tshiṱofu tsha kale tshisa tsha shumiswiho nga mathabama a Sondaha ya ḽa furaru Fulwana.
Uya nga ha vhadzulatsini vha muḓi uyo ho wanwaho lushie, vhe vha hana u bulwa madzina, vhari lushie ulu lo wanwa muḓini wa munna ane una minwaha i swikaho minwaha mivhili o pfulutshela vunḓuni ḽa Gauteng, hune lwa minwaha iyo hovha hu sina muṱhogomeli wa muḓi uyu. Hu tshi khwaṱhisedzwa uri lushie ulu lo waniswa hani, vhari murathu wa mune uri ovha o rumiwa u laṱa thundu dzine a dzi tsha shumiswa muḓini uyo. Ari a hanefho, havha hu khou fhira vha u hwala tsimbi dza kale, he murathu uyo vha laedza vha tsimbi dza kale uri vha dzhie thundu dzine vha dzi takalela. Vhori u vula tshiṱofu itshi tsha kale tsho tshinyalaho, vha wana lushie nga ngomu.
"Vhanna avha vhavhili vhotavha mukosi vha tshi vhidza vhadzulapo uri vha ḓe u vhona. Rori u swika afho, ra akhamala roṱhe. Kha lushie ulu, hovha hu na malofha kha mukulo," we a luma nḓevhe vha Limpopo Mirror a amba.
Muambeli wa mapholisa vha Limpopo, Vho-Malesela Ledwaba vho khwaṱhisedza tshiwo itshi. "Mapholisa vho vhigelwa nga tshiwo itshi, he vhari vha tshi swika afho muḓini, vha kwama vha tshumelo ya shishi, vhe vhari u swika, vha ṱola lushie vha wana uri o no lovha. Hu humbulelwa uri o siiwa afho tshiṱofuni nga mme awe vhane zwa zwino avha khou ḓivhea," vha amba.
Vha tshiṱitshi tsha mapholisa tsha Saselamani vho vula mulandu wa u ṱoḓisisa uri tshivhangi tsha lufu ndi mini.
Uya nga ha mukhantselara wa wadi iyo, Vho-Setfree Hlungwane, vho fara muṱangano na vhafumakadzi vha kusi uko nga Musumbuluwo wa ḽa furaruthihi Fulwana, hu nḓila ya u ḓivha vhafumakadzi vhe vhavha vhe vhadihwala.
Muofisiri wa nyambedzano vha muhasho wa mveledziso ya vhushaka, Vho-Joshua Kwapa, vhari vha na fulufhelo uri ṱhoḓisiso dzi ḓo thusa u bveledza zwe zwa itea, uri muiti wazwo o farwe a vhonane na tshanḓa tsha mulayo."Ri takalela uri vho mme vha zwi ḓivhe uri vha na tsheo dzine vha nga dzhia arali vha sa swikeleli u ṱhogomela vhana vhavho, vha nga ṋea vhanwe vhabebi nwana uyo. Ri dovha hafhu ra huwelela kha vho mme uri vha ṱoḓe thuso kha vha tshumelo ya lushaka uri vha vha thuse kha khaedu dzavho, zwine zwa ḓo sia vhabebi na vhana vho tsireledzea," vha amba.
Ane anga thusa kha mulandu uyu, anga kwama muofisiri Vho-Reckson Chauke nga ha mme a ṅwana uyu kha 082 414 2989.