Tshiṱori nga Anton van Zyl. Ṱhalutshedzo nga Khathutshelo Raliphaswa.
Ndi nga masiari nga Ḽavhuṱanu nahone u wana mulaedza - u fanela u kuvhanganya mishonga u bva kha khemisi na u i rumela kha mme au ngei Thohoyandou.Thaidzo nthihi:u ḓitika nga Louis Trichardt hu si na zwiendedzi.Muḓinḓa a nga shuma,fhedzi zwi a ḓura - nahone a vha nga ḓo ḓisa phanḓa ha Musumbuluwo.
Zwino, thandululo i nga vha hone - nga ṅwambo wa epe yo bveledzwaho henefho ine ya ṱumanya vharumeli vha zwithu na vhaendelamashango vhane vha khou livha kha nḓila i fanaho. Humbulani nga ha u founela khonani kana muraḓo wa muṱa u itela u ṋekedza tshiṅwe tshithu - nga nnḓa ha mutevhe muhulwane vhukuma wa vhathu vhane na nga vha founela.
Epe ya Kutuma, yo thomiwaho nga vhoramabindu vhavhili vhaswa vha bvaho Vhembe, i khou sedza kha u vala tshikhala tsha vhuendi ngeno i tshi khou sika zwikhala zwa mbuelo. I ṱumanya vhane vha ṱoḓa u rumela dziphasela na vhareili vha ḓuvha na ḓuvha - nahone i tendela vhenevho vhareili uri vha vhuyedzedze zwiṅwe zwa zwithu zwine vha zwi ṱoḓa kana u ita na u shandula mbuelo.
Epe ndi muhumbulo wa Rendani Makhadi na Rendani Tshishonga. Vhuvhili havho vha na midzi kha dzingu ḽa Vhembe fhedzi zwino vha khou wanala Gauteng. Makhadi ndi muinzhiniyara wa khemikhala na muthomi wa Itechnnov8, khamphani ya thekhinoḽodzhi yo thomiwaho nga 2018 ine ya ṋetshedza thandululo dza u vhonala ha vhuṱali kha sekithara dza dzigoloi na vhubveledzi. Tshishonga ndi muḓivhi wa zwa masheleni na mudededzi wa ngudo dza zwa mabindu dza tshifhinganyana, a ḓivhelwa u ṱalutshedza nga ha ikonomi ya tshifhinga tshoṱhe kha radio – ndi musaukanyi wa ikonomi oḓi imisaho nga eṱhe.
Modele wa bindu u kokodza murero wa Tshivenḓa, "Muhulwane u rumiwa o amiwa" - wo ṱalutshedzelwa nga nḓila yo vhofholowaho sa "ndi vhulenda u humbela thuso kha mualuwa ane a vha o no ya kha yeneyo nḓila."
Nga epe, thuso yeneyo i nga bva kha muthu muṅwe na muṅwe - hu si vhalala fhedzi.
Vhashumisi vha ḓiṅwalisa sa vhareili (vhane vha vhidzwa sa "vhaendedzi") kana vharumeli vha phasela, kana na kha zwoṱhe. Sa tsumbo, arali ni tshi dzulela u reila u ya Siloam, ni nga ḓiṅwalisa sa mureili. Murumeli ane a ṱoḓa u ḓisa mihwalo u posa zwidodombedzwa, nahone vhareili vhane vha khou tshimbila nga yeneyo nḓila vha nga vhea dzibidi.
"Zwine zwa ita uri epe ya Kutuma i vhe yo khetheaho ndi uri vhareili vha nga ḓivhetshela mbadelo dzavho dza u ḓisa, nahone murumeli u nanga uri ndi zwifhio zwine zwa khou ṱoḓa u ṱanganedza," Tshishonga a ṱalutshedza.
U vhuyelela kha tshiimo tsha u thoma: muthu ane a khou reila a tshi ya Thohoyandou u ḓiṋekedza u isa mishonga ya mme anu nga R50. U ṱanganedza bidi, u badela mbadelo kha tshipatshi tshaṋu tsha Kutuma, na u lindela u dzhiwa. Musi tshithu tsho no ḓiswa, tshelede i a bviswa kha mureili.
Epe i katela - a hu ṱoḓei ṱhanziela dzo khetheaho kana ṱhoḓea dza goloi. "Na vhane vha shumisa zwiendedzi zwa nnyi na nnyi vha nga ḓiṅwalisa na u dzhenelela," hu amba Tshishonga hafhu.
Vharumeli vha nga ṅwala mutevhe wa zwipikwa zwa phasela, nahone vhareili vha nga vhudzisa mbudziso dza u tevhela (tsumbo, nga ha tshileme) phanḓa ha musi vha tshi ṱanganedza u ḓisa. Naho zwo ralo, zwishumiswa zwi re na khombo na zwithu zwine zwa nga tshinyala a zwo ngo tendelwa.
Tshishonga uri tsireledzo ya vhashumisi ndi tshithu tsha ndeme vhukuma. Vho ri: "Vhareili vha fhira nga kha u khwaṱhisedza vhuḓiṱalusi na u ṱola phanḓa ha musi vha tshi tendelwa u ṱanganedza khumbelo dza u ḓisa zwithu."
Nahone hu pfi mini nga tsireledzo ya zwa dzitshelede? "Ri shumisa khoro ya mbadelo yo tsireledzeaho u itela u tsireledza mafhungo a vhashumisi na u vhona uri hu na thengiselano i sa ṱanganedzei."
U sika akhaunthu ndi mahala. Vharumiwa vha badela fhedzi mbadelo ya u ḓisa yo tendelwaho nahone vhareili vha badeliswa khomishini ṱhukhu. Bindu ḽi shuma nga nḓila i vhonalaho, na thengiselano iṅwe na iṅwe yo hwala mbadelo ya admin ya 10% - ine ya thusa u badela pulatifomo.
"Vhubveledzi hovhu vhu tou vha zwi fhiraho u sokou zwi lelutshela," Tshishonga u ralo. "Zwi dovha zwa vha nga ha u tandulula u shaea ha mishumo. Vhathu vha nga wana zwiṅwe zwithu kha lwendo luṅwe na luṅwe."
Vhubveledzi ya Kutuma i dovha ya tikedza thandululo dza vhuendi ha muṱavha. Nḓila dza dzingu dzo ḓalaho, u fana na bada vhukati ha Louis Trichardt na Thohoyandou, dzo no ḓala nga goloi - vhanzhi vho hwala mureili na muṋameli muthihi fhedzi. Ape i dzhena kha therafiki yeneyo i re hone u itela u tshimbidza phasela hu si na u engedza kha muhwalo wa mupo.
Epe ya Kutuma i hone u itela u i ṱalutshedzela kha Google Play na Vhengele ḽa epe ḽa Apple. U tou ṱoḓa: Kutuma - Kha Go.