Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Muṱa na dzi ṱhama dza muṱa wa ha Nephawe vho vhaisala nga murahu hau ṱuwa shangoni ha ḽidzhakanḓila kha nḓowesthumo ya khasho Vho-Tshifhiwa Pat Nephawe, vha na minwaha ya furathi malo. Vho-Nephawe vhovha vha muhashi wa kale wa radio, vho lovha nga vauthoma ḽa Fulwi vhuongeloni ha NHC Ṱhohoyandou nga murahu hau lwa na biso lwa tshifhinga tshiṱuku.
Vho-Nephawe vhovha muhashi wa radio lwa minwaha i swikaho furaru-sumbe, vha tshi hasha dzi mbekanyomushumo dzo fhambanaho, u thoma kha radio ya kale ya Radio Ṱhohoyadou nga ṅwaha wa 1979. Vho hasha mbekanyomushumo dzi ngaho mafhungo na zwa mitambo. Naho vho hasha mbekanya mushumo dza tshivhalo, ye ya vha tswa mbilu hovha mbekanyomushumo ya Jazz, ye vhai thoma nga ṅwaha wa 1980.
Radio Ṱhohoyandou yori u valwa, Vho-Nephawe vhovha muraḓo wa Phalaphala FM ngei Bulugwane. Vho thoma u hasha mbekanyomushumo ya vhusiku, Khoroni, ye ya aluwa u takalelwa nga vhathetshelesi, lune na zwinwe zwiṱitshi zwa SABC vha thoma thero i ngaho iyo. Vho bvela phanḓa nau hasha mbekanyomushumo ya Jazz, ye ya vhidzwa Mutsindo wa Raggea nga tshifhinga itsho. Vho-Nephawe vho alusa nau dededza vhahashi vhanzhi kha tshiṱitshi tsha Phalaphala FM. Nḓila yavho yau hasha nau ḓivhea, vho kona u kunga vhathetshelesi vha tshaka nnzhi.
Mulanga mbekanya musho kha Phalaphala FM. Vho-Sharon Ravele, vhovha vho fhelelwa nga maipfi au ṱahisa u kwamea havho ngau lovha ha Vho-Nephawe. "Ro xelelwa tshoṱhe sa khasho na vhamuta
. Vho-Nephawe vho shela mulenzhe kha mbekanyamushumo nnzhi dza Phalaphala FM. Riḓo dzulela uvha humbula na mishumo yavho. Ri isa ndiliso kha vha muṱa," vha amba.
Rita Dee Nephawe, ane avha ṅwana wa Vho-Nephawe, uri naho vho vhaisala nga lufu lwa khotsi awe, vha ḓi rwa khana ngauvha na muraḓo wa muṱa ea shumela tshitshavha nau ḓisa zwivhuya kha vhadzulapo.
Mushumo wa tshihumbudzo udo farelwa kerekeni ya Charis Missionary nga Lavhutanu ḽa ṱahe Fulwi nga awara ya vhufumimbili, mbulungo ya farelwa Makwarela nga Mugivhela wa ḽa fumi Fulwi u bva nga awara ya vhurathi matsheloni.