Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Kharendwe Thabo a bvaho Mbahela, wa minwaha ya fumi-na-ṱahe ane avhana vhuholefhali halukanda uri o ḓi imisela u shuma zwavhuḓi kha muṱaṱisano wa vhonyalunako wa Miss Albinism Afrika Tshipembe, une wa ḓo farwa nga ṅwedzi wa Nyendavhusiku ṅwaha-uno.
Muṱaṱisano uyu wovha wo vhetshelwa u farwa nga ṅwedzi wa Khubvumedzi fhedzi wa fhiriselwa phanḓa. A tshi amba na vha nyanḓadza mafhungo ya Limpopo Mirror, Kharendwe uri zwe zwa mu ṱuṱuwedza u dzhenelela kha muṱaṱisano uyu wa nanwaha ndi ngauri u ṱoḓa u nea vhathu vhane vha fana nae khavhuholefhali wa lukanda, tshikhala tsha u amba nga ha zwine vha ṱangana nazwo ḓuvha linwe na linwe.
"U bva vhuṱukuni hanga, ndovha ndi tshi zwi ḓivha uri ndi ṱoḓa uvha nyalunako, fhedzi ngauri vhovha vha sa ambi nga ha vhathu vha fanaho na nne vhane vha tshila navhuholefhali ha lukanda ndovha ndi sa dzheneleli. Ndori u vhona muṱaṱisano uyu utshi amba nga ha zwoṱhe, nda vhona zwi khwine uri ndi dzhenelela muṱaṱisano uyu," a amba.
Zwinwe zwa zwine Kharendwe a lwela zwone ndi uri vhagudiswa vhatshilaho navhuholefhali halukanda vha ṋewe zwikolo zwa tshipentshele. Kharendwe uri:, "Vhagudisi vha zwikolo zwo ḓoweleaho avha fari vhagudiswa vhoṱhe nga nḓila dza u fana. Vhanwe vha tou tata na u ri fara unga ri na dwadze tshifu. Ri touvha na vhulwadze ha lukanda, ahuna zwinwe. Ri vhathu ri fana na vhanwe vhathu, fhedzi vha ri fara sa vhathu vha songo fhelelaho. Ndi inwe ya dzi khaedu dzine muṱaṱisano uyu wa ri tendela u amba nga hadzo". A tshi amba nga ha zwine a ḓi tamela kha vhumatshelo hawe, uri u ṱoḓa u ḓi wana a na digirii ya masiṱasi a sa athu u malwa.
Kharendwe u ḓo ṱaṱisana na Engedzani Ndou, ane a vha muṱuṱuwedzi wawe, ane nae a bva kha tshiṱiriki tsha Vhembe. Hone vhoṱhe ndi matshudeni a gudedzi ḽa Yunivesithi ya Limpopo.