Tshiṱori nga: Anton Van Zyl. Ṱhalutshedzo nga: Khathutshelo Raliphaswa.
Vho-Toni Mphephu Ramabulana, khosi ya kale ya lushaka lwa Vhavenda, vho hanelwa khumbelo yavho yau hanedza u badela masheleni a swikaho miḽiyoni ṱhanu ya dzi rannda nga vha khothe khulwane, e vha a wana kha bannga ya VBS nga nḓila i siho mulayoni.
Muhaṱuli Vho-Motsamai Makume vho hana khumbelo ya Vho-Ramabulani sa izwi khumbelo yavho isa fushi khothe. "A thi vhoni zwo fanela u sedzana na khumbelo dzoṱhe kana zwiitisi zwau ita khumbelo, sa izwi hu sina na nthihi ine yavha na khonadzeo dzau ṱanganedzwa nga khothe," vha amba.
Nga ḽa fumbiliṱahe Ḽara ṅwaha wo fhelaho, muhaṱuli Vho-Makume vho ṋea Vho-Ramabulana ndayo uri vha badele masheleni a swikaho R5,586,555 na nzwalelo kha vha bannga ya VBS, masheleni ayo ane vha khou tea ua badela ndi e vha a shumisa u renga goloi tharu dza mavhaivhai. Vho-Ramabulana vho renga goloi ya Range Rover 5.0 V8, BMW 760i Sudan na Mercedes-Benz V250d .
Vho adivokheithi Terry Motau & Law firm Werksmans vhari Vho-Ramabulana vho ṱanganedza masheleni a swikaho miḽiyoni dza fumi malo ya dzi rannda u bva kha bannga ya VBS.
Vho-Ramabulana vho thoma vhari dzi goloi idzo tharu vhovha vho tou ṋewa sa mpho. Vhaimeleli vhavho vho dovha hafhu vhari masheleni e vha a ṋewa ovha a songo ṋeiwa nga nḓila yo dzudzanyeaho lune avha vhoni uri Vho-Ramabulana vha fanela ua badela murahu, sa izwi na VBS isi tshumelo ya zwikolodo ya tshiofisi kana yo ṅwaliswaho. Vha engedza nga uri tshikolodo itsho tshovha tshi songo eletshedzwa.
Musi vha khothe khulwane vha tshi thudzela kule maambiwa avho, vhavha ṋea ndayo yauri vha badele masheleni murahu, Vho-Ramabulana vho laedza vhaimeleli vhavho uri vha ite khumbelo yau hanedza ndayo ya khothe.
Muhaṱuli Vho-Makume vho dovha vha sumbedzisa uri Vho-Ramabulana vho tenda uri vha na nḓivho nga ha tshikodo tshavho nahone avha swikeleli u badela masheleni murahu. "Ho sedzuluswa mabambiri e Vho-Ramabulana vha bveledza uya kha bannga. Ndia kundelwa u pfesesa uri vha bannga vhovha vho fanela u sedza nga nḓila-ḓe u vhona uri na ngoho Vho-Ramabulana avha swikeleli u badela masheleni murahu," muhaṱuli vha amba.
Vho-Ramabulana vha dovha hafhu vha vha na masheleni ane vha khou hweswa one nga nṱha ha aya a VBS. "Vho-Ramabulana vho ṋewa ndayo uri vha badele mbadelo dza khumbelo iyi, ine ya katela vhaeletshedzi vhavhili," muhatuli vha amba.