Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Mulamuleli Tshitangano wa minwaha ya fumbili u bva kusini kwa Mutshenzheni ndi muṅwali ane avha na ṱhuṱhuwedzo dzi takadzaho. Ovha munwe wa vhaṅwali na vha bveledzi vhe vhavha vho rambwa Botswana, Maun nga dzi 31 Ṱhafamuhwe a tshi imelela Afrika Tshipembe kha dzi pfufho dza Mulher Forte African Literature.
Naho a songo pfufhiwa uvha muṅwali makone wa khwine, o takala uri mushumo wawe u takalelwa u mona na ḽifhasi. Kha minwaha iyi ya fumbili, o no swikelela u ḓivhea kha sia ḽa maṅwalo, sa izwi ono pfufhiwa nga zwiphuga zwivhili zwa vunḓu nga mushumo wawe wa u ṅwala.
"Ndi muthu ane hango vhuya a lora uvha muṅwali fhedzi ndi pfa ndo hulisea. Ndi takalela uri linwe ḓuvha bugu dzanga dzi wanalee u mona na ḽifhasi ngazwo ndo no thoma u dzi anḓadza kha Takealot na Amazon," u ralo.
Mulamuleli uri o ṱuṱuwedzwa nga muṅwali makone Thomas Hardy, he a thoma zwa u ṅwala atshe kha pfunzo dza fhasi. Kha lwendo lwawe lwa uvha muṅwali o ṱangana na zwinzhi, zwihulu hu tshi ḓa vhathu vhau homboka vha tshinga ha khou tda u thusa sa vhabveledzi vha maṅwalwa vhe si vhone.
Zwa zwino Mulamuleli u na bugu mbili; I shall find the light, ine yavha ya zwirendo ye ya bveledzwa nga ṅwaha wa gidi mbili fumbilinthihi ine yavha na zwirendo zwa 90, na Beauty with scars, ye ya bveledzwa ṅwaha wo fhiraho. Iyi ya Beauty with scars i amba ngau maanḓafhadza vhafumakadzi, u tambudzwa ha mbeu nau aluswa ha vhafumakadzi.
Mulamuleli ane avha mutshudeni wa ṅwaha wa vhuraru kha Yunivesithi ya Tswane u khou gudela zwa luambo, bugu yawe ya Beauty with scars yo topolwa uri a dzhenelele muṱaṱisano wau fhedza kha pfufho dza Mulher Forte African Literature nwaha wo fhelaho. O pfufhiwa lwa vunḓu sa muṅwali wa khwine kha vunḓu ḽa Limpopo kha dzi MAMA 2021/2022 a dovha hafhu u pfufhiwa kha African Honouree Global Writers' ṅwaha wo fhiraho. Vha muhasho wa pfunzo vunḓuni ḽa Gauteng vho themendela bugu yawe vhege yo fhiraho.