Limpopo Mirror yo huliswa nga kereke ya Living Gospel World Mission

Ṱhalutshedzo nga Khathutshelo Raliphaswa.

Kereke ya Living Gospel World Mission yo hulisa vhathu vhararu na madzangano nga ṅwambo wa mishumo yavho ya ndeme vhukuma kha kereke. Kha vhanwe vhohudzwaho ho vha hu vha gurannda ya Limpopo Mirror (ine yo imelwa nga vhoramafhungo Elmon Tshikhudo na Maanda Bele), Vho Avhazwifuni Raphunga vha Funi's Catering, na Vho Aluwani vha Alumbi Events na mbulungo ya NR21.

Avhazwifuni Raphunga o sumbedza u livhuwa, a ri: "Tshiṅwe tshifhinga ri ita zwithu ri sa zwi ṱhogomeli uri vhathu vha khou dzhiela nṱha mishumo yashhu. Ndi pfa ndi tshi huliswa, nahone ndi a takala."

U amba o imelela vha Limpopo Mirror, Elmon Tshikhudo o tenda zwauri hu na vhushaka ho khwaṱhaho vhukati ha gurannḓa na kereke. O ombedzela uri vhushaka uhu ho thomiwa na vhathomi vha kereke, vhe vha vha vha tshi dzulela u ṱanganelana khagala na nyanḓadzamafhungo. "Vhushaka vhu bvela phanḓa na muphuresidennde muswa, Mufunzi Vho Kharivhe. Ndi tenda uri vha dzhiela nṱha nyanḓadzamafhungo ngauri vha tshimbidza mafhungo avho nga nḓila i vhonalaho, u fhambana na dziṅwe kereke," Tshikhudo o ralo.

Kereke ya Living Gospel World Mission yo thoma mushumo wa vhuimo ha nṱha wa dzimiḽioni dza vhathu vhanzhi u itela u thoma senthara ya ndivho nnzhi. Senthara iyi yo vha i bono ḽa muthomi wa kereke vho lovhaho, Vho Dokotela Maswole Ragimana, na mufumakadzi wavho, vhe, mashudu mavhi, vha sa tshile u itela u zwi vhona. U tikedza bono iḽi, kereke yo vha na vhuṱambo ha gala dinner ye ya itwa u itela u kuvhanganya masheleni zwo bvelelaho mafheloni a ṅwaha wo fhiraho, he Limpopo Mirror ya vha na mushumo wa ndeme sa mufarisani wa u phaḓaladza thambo ya vhuṱambo.

Vho Dokotela Robert Kharivhe, muphuresidennde wa kereke, vho ṱanganedza mishumo ya vhahulisei. "Havha vhathu vha ri tikedza nga nḓila dzi re na ndivho, nahone ri fanela u vha dzhenisa tshifhinga tshoṱhe musi ri na tshiṅwe tshithu. Ri fanela u dovha ra vha tikedza ngauri vha khou ṱavha mbeu kha vhuḓinḓa uhu. Vho ri thusa vhukuma, nahone ndi rabela uri Mudzimu a vha fhaṱutshedze na mabindu avho," vho ralo.