Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
MEC wa Limpopo wa mafhungo a mavhuvhusele na mafhungo a sialala, Vho Basikopo Makamu, vho amba na madokotela a u fumbisa lwa mvelele, vhaṋetshedzi vha ṱhogomelo, ṱhoho dza mirundu na vha nyanḓadzamafhungo nga tshifhinga tsha mushumo wa u thoma wo farwaho Polokwane nga ḽa 11 Fulwi, phanḓa ha tshifhinga tshau thoma ha mirundu fhano vunḓuni la Limpopo.
Vho Makamu vhari muhasho wo ṋetshedza thendelo dza 530 dza mirundu dzine dza ḓovha hone ṋaṅwaha - u bva kha 631 nga ṅwaha wa 2023. Khalanwaha i ḓo thoma nga ḽa 23 Fulwi u ya kha ḽa 21 Fulwana.
Vho ombedzela uri a hu na dokotela wa u ara wa mvelele ane a nga shuma arali asi na ṱhanziela yo teaho yo bviswaho nga dokotela wa zwa ngalafho o ṅwaliswaho sa zwine zwa ṱoḓea nga Mulayo wa mirundu. "Vhana vha fanela u thoma vha ṱoliwa nga Muhasho wa Mutakalo vha sa athu dzhena mirundu ya zwa mvelele ya u fumbiswa, u itela u ṱola uri a vha yi henefho na maṅwe malwadze kana dzi khaedu," vho ralo.
MEC vho dovha vha amba zwauri zwikolo zwi songo ṅwaliswaho a zwi nga ḓo konḓelela na u ṱuṱuwedza vhabebi uri vha khwaṱhisedze zwikolo nga vhalanguli vhazwo vha mvelele.
Vho Takalani Matumba, dokotela wa u ara wa sialala u bva Havhangani vhe vha thoma u shuma nga 1978, vho ṱanganedza mushumo wa u shuma na u sumbedza fulufhelo ḽa khalanwaha yo tsireledzeaho. "Vharangaphanḓa vhoṱhe vhahulwane vha mvelele vhe vha fanelea u wana thendelo dza mirundu vho vha vho ṱanganela kha mushumo," vho ralo.
Vho Makamu vho amba uri mushumo wo sedza kha u pfufhifhadza vhakwamei nga ha vhuṱhogwa ho teaho u itela u vhona uri tshifhinga tsha u fumbiswa tsho ṱambaho na tsho tsireledzeaho. "Muṱangano u ḓo thusa vhukuma kha u vhona uri Limpopo i vhulunga tshifhinga tsha u fumbiswa tshi si na lufu," vho ralo.
Ṅwaha wo fhiraho, ho rekhodiwa mpfu tharu nga tshifhinga tsha u fumbiswa fhano kha vunḓu ḽa Limpopo.