Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
U wana zwienda zwine wa zwi takalela a zwingo leluwa, izwi zwo itea kha Lufuuno Netshithuthuni we a mona na mavhengela a Piṱori nga ṅwaha wa gidi mbili fumi ṱahe a tshi ṱoḓa zwienda, fhedzi asi wane zwine a zwi takalela. Nge a balelwa u wana zwienda zwine a ṱoḓa kana u zwi takalela uri aye ngazwo kha guvhangano ḽa muṱa, o ḓou renga phere mbili dza maṱeki – awe na a murathu wawe – a zwi nakisa.
Lufuno ane a bva Tshivhulani nnḓa ha Thohoyadou, ovha a sina dzangalelo ḽau thoma bindu ḽau bveledza zwienda izwi, fhedzi nḓila ye vhathu vha takalela ngayo zwienda zwawe musi o zwi anḓadza, o pfa a tshi hulisea nau ṱuṱuwedzea. Ndi he a thoma bindu ḽawe. Namusi u touvha mubveledzi na murungi wa zwienda izwi zwa sialala we a pfufhiwa tshiphuga tsha Golden Shield Heritage, ye ya rwelwa nga vha khoro ya zwa sialala, vha vhulangi ha corporate.
Lufuno o ṱhaphudza pfunzo dzawe kha Yunivesithi ya Afrika Tshipembe nga ṅwaha wa gidi mbili fumi malo, ori u vhona gada vhukati ha zwine vharengi vha ṱoḓa na zwine zwibveledzwa zwawe zwa nga kona, a thoma bindu ḽawe ḽa Funo Designs. Zwibveledzwa zwawe zwo no swikelela vhuimo ha nnṱha kha sia ḽa zwienda hone zwi vho rumelwa u mona na shango.
"Ri konesa khau bveledza zwibveledzwa zwi songo ḓoweleaho, nau bveledza zwienda zwa vhafumakadzi zwa sialala vha mvelele dzoṱhe vhane vha takalela mvelela yavho. Izwi zwo maanḓafhadzwa nga u aluwa ha sialala kha sia ḽa zwiambaro kha vhafumakadzi vha mahayani na vha dziḓoroboni. Bindu ḽashu ḽi na vhashumi vhararu vhane vha shuma garatshini, fhedzi ri ṱoḓa u anda kha vunḓu ḽa Limpopo na u mona na shango," a amba.
Lufuno uri u touvha ṱhanzi i tshilaho uri zwoṱhe zwia konadzea arali muthu a tshi ṱoḓa u bvelela. "Muthu u fanela u dzhia tshikhala tshau thoma bindu tshine a ṱangana natsho. Roṱhe ri thoma fhasi husina zwinzhi, fhedzi namusi mahothi o vulela. Ri ngasi dzulele u gungula nga u ṱahelelwa ha mishumo ri tshi fanela u thoma mabindu ashu," a engedza.
Vhane vha takelela zwienda zwa Lufuno vha ngamu dalela kha muḓi wa 865, kha gondo ḽa Punda Maria na Tshififi, Ha-Dumasi, Thohoyandou.