Tshiṱori nga: Maanda Bele. Ṱhalutshedzo nga: Khathutshelo Raliphaswa.
Ramuzika DJ Rabs Rabs Vhafuwi sa zwine a ḓivhea kwine kha nḓowetshumo ya muzika, Rabelani Madula, a bvaho kha kusi kwa Dzimauli Mukondeni, o anḓadza nyimbo yawe ye yavha yo lindelwa lwa tshikhala ine ya pfi Honest nga Thafamuhwe ṋaṅwaha. Kha luimbo ulo o imba na vhoramuzika P Postman, Kaylow na Aliekeys.
Rabs Vhafuwi una minwaha i fhiraho ya fumi a kha nḓowetshumo ya muzika. Zwa zwino o novha mubveledzi na mulidzi wa muzika. O serela kha nḓowetshumo ya muzika nga luimbo lwawe lwa Count Your Blessings lwe lwavha ṱhoho ya aḽibamu yawe, Count Your Blessings. O no anḓadza nyimbo dza tshivhalo dze dza bvelela zwavhuḓi dzine dzavha Daddy my hero, I'll be there, Cororna na Tsholitshedza, u tou bula ṱhukhu kha nnzhi. Luimbo lwa Fundudzi, lwe lwa anḓadzwa nga gidimbili fumimbili lwo katela na mme awe, Sarah Madula.
"Ndi kale ndi tshi ṱoḓa u shuma na P Postman, Kyalow na Aliekeys. Hono fhela minwaha ya fumi tshe nda shuma kha aḽibamu ya Count Your Blessings, hoyu u touvha munwe mushumo muhulwane kha nne. Ndi kholwa uri luimbo ulu lu ḓo bvelela zwavhuḓi, unga aḽibamu yanga. Ndi khou nea vhatevheli zwine vha ṱoḓa sa izwi nḓowetshumo yashu yo ḓala tshaka ya muzika yo fhambanaho na tshaka ya muzika une ndavha khawo. U fhedza iyi aḽibamu thangeli zwo dzhia tshifhinga tshilapfu sa izwi ndovha ndi khou endela mashango a nnḓa, ndo fhedza vhege tharu ndi tshi kuvhangana aḽibamu thangeli iyi. Muzika uyu uḓo dovha hafhu wa kandiswa nga vidio," u amba izwi nga ha mushumo uyu wawe.
Rabs Vhafuwi uri zwoṱhe zwine a bveledza nau rekhoda zwivha zwi zwine zwa bva vhudzivhani hawe sa izwi asi muthu ane a sokou tevhela zwoṱhe zwine zwa khou itea. "Muzika wanga u bva mbiluni, ndi funa vhatevheli vhanga hone ndi ṱoḓa uri vha dzule vho takala. Ndi ḓo endela vhupo vhunzhi na vhalidzi vha fumi vha ḓivheaho na vha fumi vhane a vha ḓivhei," u ralo.
Rabs Vhafuwi o gudela zwa u langula vhubveledzi gudedzini ḽa Vaal Yunivesithi ya Thekinolodzhi na vhulanguli kha gudedzi ḽa Gordon Institute of Business Science.