Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ramuzika Romeo ThaGreatwhite o anḓadza nyimbo dzawe nzwa nga ḽa fumbili malo Lambamai, ana ramuzika Phillip Masengana ane a ḓivhea khwine nga Crosswavee, lune lwa vhidzwa Kzodlula. Ndi luimbo lune ari lu ḓo fhodza vhatevheli vhawe vhane vha khou ṱangana na nyimele dzi konḓaho. Lwo no ṱanganedzwa nga nḓila yavhuḓi nga vhatevheli vha muzika.
Rolivhuwa Romeo Dzedzemane ane a ḓivhea nga ḽa Romeo ThaGreatwhite kha nḓowetshumo ya muzika ane abva kha kusi kwa Lwomondo ndi ramuzika ane u kona u imba tshaka dza muzika dzo fhambanaho lune u kona u kwama mbilu dza vhatevheli vhanzhi nga muzika wawe. Naho a ramuzika ane ono bvelela zwavhuḓi, milaedza ire kha nyimbo dzawe i touvha midzi yauri a wane ṱhonipho kha vhathu.
Kha nyambedzano na vha gurannḓa ya Limpopo Mirror, u bvisela khagala ṱhuṱhuwedza yau sika alibamu ya muzika uyu. "Alibamu iyi yo ṱuṱuwedzwa nga nyimele dze nda ṱangana nadzo vhutshiloni. Ndo xelelwa nga mashaka a tsini na nṋe, nda pfa unga ahuna zwine zwa ḓo dovha zwa luga. Fhedzi nda guda uri vhuṱungu hoṱhe vhua fhira.Muzika u nkuvhatedza kha zwe nda ṱangana nazwo, nauri zwoṱhe zwi ḓo luga," a amba.
Kha ene mune Romeo ThaGreatwhite,alibamu heyi ntswa yo andadzwaho, lune lwa vha na muungo wa tshaka ya Amapiano na wa RnB lu tamba sa tshihumbudzo kha vha tsini nae vhane vho no ri sia. Khae aya ndi mathomo a mishumo minzhi ine a dou shuma kha sia la muzika. U tenda zwauri nḓila ine a sika ngayo muzika wawe, asi une wavha kha tshaka nthihi ya muzika. "Ndi fulufhela kha uri ndia kona u sika muzika une wa amba na vhathu vhanzhi vhane vha takalela tshaka dzau fhambana kha muzika," a engedza.
U livhuwa vhatevheli vhawe vha fulufhedzeaho, vhane vho mu tikedza kha bono lawe. "Ndi thikhedzo yavho ye ya nṋea vhuḓifulufheli uri ndi lingedze tshakha nnzhi dza muzika na u swikelela kule sa ramuzika. Ndi vhona uri luimbo ulu lwa Kzodlula ndi tsumbo yauri ndia kona u guda nḓila ntswa nau swikelela dzinwe tshakha dza muzika, fhedzi ndi songo laṱa zwine nne muṋe ndavha zwone," a amba.
Romeo ThaGreatwhite ono shuma kha mishumo minzhi na vha AdroitBeatz na vha Embrace Music. Vhatevheli vhawe vha nga lavhelela aḽibamu thangeli mmbili khae ṅwaha uno.