Tshiṱori nga: Vho bvelelaho. Ṱhalutshedzo nga: Khathutshelo Raliphaswa.
U wana khombo ya moḓoro nga nwaha wa gidimbili fumi-na-rathi zwo ṱoḓa u dzhia vhutshilo ha Luther Munyai wa minwaha ya fumbili-raru. Nga murahu ha zwifhinga zwa u bva a tshi dzhena vhuongeloni, o fhedza o vhewa kha tshidulo tsha vhaholefhal sa izwi ovha a si tsha kona u tshimbila. Naho o ṱangana na khaedu idzo, ha ngo tenda u nyama kha vhutshilo. Kha ndoro dzawe, ye ya wedza ndi musi a tshi pfufhiwa uvha nyalunako wa Vhembe wa muholefhali 2023 kha vhuṱambo he ha farelwa hodelani ya Khoroni ngei Thohoyandou nga Mugivhela wa ḽa mbili Khubvumedzi.
Luther ovha a munwe wa vhonylunako vha 30 vha bvaho kha mimasipala ya Musina, Collins Chabane, Thulamela na Makhado. Vhuṱambo uho hovha ho dzudzanya nga vha masipala wa tshiṱiriki tsha Vhembe, vha Tshilande Foundation na Rofhiwa Manwadu Foundation.
Luther ovha a khou wela kha vho nyalunako vha masipala wa Musina, u bva kusini kwa Folovhodwe ane a vha muṅwali na murendi. O pfufhiwa nga ṱhanziela, labi ḽa vhonyalunako, ṱhingo thendeleki ya maimo, thikhithi ya u ya kha Miss Limpopo Heritage na u ya kha nḓowenḓowe dzawe na dokotela lwa mahala lwa nwedzi woṱhe.
Kha nyambedzano na vha nyanḓadza mafhungo ya gurannda ya Limpopo Mirror, Luther uri u vha nyalunako wa Vhembe wa muholefhali 2023 zwi touvha mathoma a zwivhuya zwine zwi kha ḓiḓa. "Ndovha ndi na ndoro ya uvha nyalunako ndi sa athu u wana khombo ya moḓoro. U vha kha tshidulo tsha vhaholefhali a zwingo nthivhela u wedza miḽoro yanga, ngauri ndi a ḓivha zwine nda ṱoḓa vhutshiloni. Ndi dovha hafhu nda ṱoḓa u ṱuṱuwedza vhanwe vhaholefhali nga nṋe uri vha songo laṱa fulufhelo, fhedzi vha dzulele u shuma vho ḓi imisela u swikelela zwine vha ṱoḓa."
Luther uri zwa zwino o lavhelesa u fhenya kha zwiteṅwa zwa vunḓu, u mona na shango na u mona na ḽifhasi zwa miṱaṱisano ya vho nyalunako. "A zwi na ndavha uri muthu u bva ngafhi. Zwa vhuṱhogwa ndi u ḓi fulufhela iwe muṋe na u shuma muthu o ḓi imisela uri a bveledze zwine a takalela."