Ṱhalutshedzo nga Khathutshelo Raliphaswa.
Kha shango ḽine muzika wa dzulela u bvelela, mutambi wa muzika, muinzhiniyara, na mubveledzi Eric King LIPAZ, ane a dovha a ḓivhiwa sa Mahoshi, u dovha a sukumedza mikano nga mubvumo wawe wa vhubveledzi. Single yawe ya zwenezwino, Igamalakho, ndi mvelele ya tshivhindi na i kungaho ine a i ṱalusa sa tshipikwa tsha lwendo lwawe lwa vhutsila.
"I ḓivhadza mubvumo u takadzaho wa Afro-synth, une wa ṱanganya muya wa Afrika na zwilidzo zwi tshilaho zwa mvelele dza VaTsonga na Vhavenda. Zwilidzo zwa nyimbo zwi tshilaho, zwi katelaho zwishumiswa zwa zwanḓa, vhashaker, na vha zwevha vho khetheaho (whistle), vha tshi ṋetshedza tshenzhemo ya vhukuma ya Afrika ine ya fhira tshaka dza muzika," vho ralo.
Mahoshi a si muswa kha nḓowetshumo ya muzika. Nga mushumo une wa vha na miṅwaha i fhiraho 35, o ḓitika sa mutsila wa bono, a tshi ṱanganya mutsila ha mvelele ya Afrika na ṱhuṱhuwedzo dza musalauno u itela u sika mubvumo wo khetheaho.
Vho thoma u dzhielwa nṱha sa mubveledzi muṱuku wa Afrika Tshipembe mathomoni a vho 1990. U bva tsheetsho, o shumisana na vhaṅwe vha vhaimbi vha ḓivheaho vhukuma vha shango, u katela na MarcAlex i ḓivheaho, muloi wa kaṱara o faho Ray Phiri wa Stimela, na sensation ya mafhungo madifha Rebecca Malope. Kha mushumo wawe wa bvumo, o bvisa dzi-albamu dza 24 dzi mangadzaho.
Muzika wa Mahoshi wa Afro Zion wo ita uri a khoḓe kha dzitshaka, na vhafuni vho ḓikumedzelaho ngei UK, USA, Australia, na New Zealand. "Zwi a mangadza u vhona nḓila ine muzika washu wa pfala ngayo ḽifhasini ḽoṱhe," vho ralo, vha tshi bvisela khagala maanḓa a muzika wa shango ḽoṱhe u itela u ṱumanya vhathu kha mvelele dzoṱhe.
Nga nnḓa ha muzika, Mahoshi u khou ṱoḓa u bvisela khagala filimu yawe ya vhu 18 nga ṅwedzi wa Ṱhangule 2025, ine ya ḓo ṱangana na ḓuvha ḽawe ḽa mabebo. Fiḽimu iyi i ḓo vha na vhunzhi ha vhaimbi vha fanaho vho sumbedzwaho kha vidio ya muzika wa Igamalakho, vha tshi sumbedza vhutsila hawe ha masia manzhi sa muṅwali wa muzika, mubveledzi, mulanguli wa filimu, na muḓivhi wa zwifanyiso.
"Igamalakho i tou vha tshiga tsha zwine zwa ḓo ḓa – zwine zwa vha murangaphanḓa wa albamu yo fhelelaho ine ya ḓo vha na nyimbo dza 11. Single iyi ndi nḓila ya u linga maḓi, u ramba vhafuni uri vha tshenzhele maanḓa phanḓa ha musi ṱhanganyelo yo fhelelaho i tshi bviswa," vho ralo.