Tshiṱori nga Silas Nduvheni. Ṱhalutshedzo nga Khathutshelo Raliphaswa.
Maipfi a ndiliso o bva nga vhunzhi zwi tshi tevhela u fhira fhano shangoni ha mushumi wa zwa mishumo fhethu hau fhambana na uvha mulanguli vha kale vha muhasho wa mishumo ofisini ya Ṱhohoyanḓou, Vho Nthatheni Lacton Ramulongo (70). Vho lovha nga Sondaha ya ḽa fumi-sumbe Ḽara, vhuongeloni ha Netcare Polokwane nga murahu hau tshenzhema vhulwadze ha tshifhinga tshilapfu.
Muambeli wa muṱa, murathu wa Vho Ramulongo, Vho Madia Ramulongo, vhovha ṱahisa sa muthu vhane vhovha vha tshi dzula vho takala hone vho ḓala mafulufulu. Vhovha muraḓo wa muvhuso nga tshifhinga tsha muvhuso wa muphuresidennde wa lushaka wa lushaka lwa Venda nga tshifhinga itsho, Khosi Vho Patrick Ramaano Mphephu, he vha shuma kha zwidulo zwau fhambana kha mihasho yau fhambana, hu tshi katelwa na muhasho wa zwa mishumo.
Vho Ramulongo vho bebiwa vha aluswa kha vhupo ha Sinthumule he vha ḓou pfulutshela Biaba, Nzhelele. Nga tshifhinga tshau fhira havho shangoni, vhovha vha tshi khou dzula Hamakumeke tsini na Hamalamulele.
"Vhovha vha tshi kona u vhona zwithu nga iṱo ḽa khwine," hu amba murathu wavho. Vho ṱahisa Vho Ramulongo muthu vhe vhavha vhe na nḓivho nga ha zwa mishumo hone vhovha vhe mueni o ḓoweleaho kha khasho dza Phalaphala FM na Vhembe FM, he vhovha vha tshi dzulela u amba nga ha zwa mishumo. Vho dovha hafhu vha amba zwauri mukomana wavho vhovha vhe na ndavha nau kuna ha vhupo ha Ṱhohoyanḓou.
"Vhovha vha tshi dzulela uṱoḓa u vhona Ṱhohoyanḓou ho kuna. Vhovha vho humbula u farana zwanḓa na vha gudedzi ḽa Yunivesithi ya Venda uri vhavhe vha tshi khou bvisa mathukhwi u mona na ḓorobo ya Ṱhohoyanḓou. Vhovha vha tshi tenda zwauri yunivesithi, sa tshiko tsha nḓivho, hu fanela uvha hone hau thoma u ṱhogomelo vhupo ha vhathu. Mashudu mavhi, mushumo uyo ungo tsha thoma sa izwi vho ḓou fhira fhano shangoni mushumo u tshe kha mutheo wawo," hu engedza Vho Ramulongo.
Nga murahu hau notha havho nga 2015, Vho Ramulongo vho ḓou thoma khamphani yavho ya zwa mishumo, Ramulongo Labour Consultancy and Procurements Ltd, ine ya wanala ofisini dza Limpopo Development Agency (LEDA) dzire Ṱhohoyanḓou.
Vho Ramulongo vho sia mufumakadzi wavho, Vho Hangwani Ramulongo, na vhana vha malo – Lufuno, Vhulondo, Edzisani, Vhutshilo, Londolani, Muofhe, Khethani, na Mashaka Ramulongo – khathihi na vhana vha mme avho.
Hovha na mushumo wa tshihumbudzo we wa fariwa nga Lavhuṱanu ḽa fumbili-mbili Ḽara, fhaḽa kerekeni ya Divine Revelation Church kusini kwa Lufule. Ngeno mbulungo yo fariwa nga Sondaha ya mulovha ya ḽa fumbili-iṋa hanefho Lufule.