Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Ramuzika Ndivhudzannyi Ralivhona, ane a ḓivhea khwine kha nḓowetshumo ya muzika nga ḽa Makhadzi ndi ramuzika ane a dzulela u ṱuṱuwedza vhane vha ṱoḓa u dzhena kha nḓowetshumo ya muzika nga mishumo yawe. Nga Mugivhela wa ḽa ṱhanu Shundunthule, o pfufhiwa ngatshiphuga tsha uvha muimbi wa khwine wa mufumukadzi, kha dzi pfufho dza Metro FM dze dza farelwa siṱediamu tsha Mbombela ngei Mpumalanga.
Lwa minwaha, Makhadzi ono pfufhiwa zwiphuga zwinzhi kha muzika wawe, hone ono endela mashungo u mona na ḽifhasi sa izwi a tshi mvumvusa tshaka dzo fhambanaho. O no touvha khosi ya mufumakadzi nga nḓila ine a imba nau mvumvusa vhathu ngayo.
Makhadzi u livhuwa vhatikedzi na vhatevheli vhawe vha hayani hawe, vunḓuni ḽa Limpopo nau mona na ḽifhasi, kha u mu khetha. "Ndo takala vhukuma. Ndovha ndina fulufhelo uri ndi ḓo wina tshiphuga itshi, nauri mudzimu vho fhindula thabelo dzanga. Ndi pfa ndi sina na maipfi. Kha lwendo lwanga lwa uvha ramuzika, ndo guda uri ndi songo ṅala sa izwi hovha lwendo lu songo leluwaho. Hetshi tshiphuga tshi nṋea fulufhelo uri ndi bvele phanḓa nau mvumvusa vhathu na uvha nea muzika wa khwine sa izwi vhathu vha tshi takalela muzika wanga. Ndi livhuwa vhathu vhoṱhe na tshiṱitshi tsha Metro FM khau vhona mushumo wanga. Ndi ṱoḓa u ṱuṱuwedza vhathu vhoṱhe vhane vha khou shuma vho ḓi imisela uri vha bvele phanḓa nau shuma nga maanḓa hone vha rabele.... mudzimu vha ḓoḓi vhonadza. Ndi ni funa noṱhe," a amba.
Muphirimia wa Limpopo, Vho-Stan Mathabatha, vhari vha aḓi hudza nga Makhadzi na vhanwe vhoramuzika vha Limpopo u fana na vhafunzi Vho-Lungi Ndala vhe vha pfufhiwa uvha muimbi wa khwine wa muzika wa gosipele, na Musa Keys ea pfufhiwa uvha muimbi wau ambara khwine. "Vhoramuzika avha vha ṱuṱuwedza vhathu kha masia manzhi hone o fhambanaho ngau sumbedza vhukoni havho sa vhathu vhane vha bva vunḓuni ḽa Limpopo," vha amba.
Uya nga ha Vho-Mathabatha, u wina pfufho ubva kha tshiṱitshi tshine tsha thetsheleswa nga vhathu vhanzhi a tshi bva kha vunḓu ḽa Limpopo zwi amba zwinzhi vhukuma nau sumbedza uri vhathu vha vunḓu ḽa Limpopo vha khou dzhieliwa nṱha. "Pfufho hei i touvha tshisima tsha ṱhuṱhuwedza kha vhane vha ṱoḓa uvha vhoramuzika nauvha kha nḓowetshumo ya muzika," vha amba.
Makhadzi u kha khuḓano ya mulayo na vha Open Mic nga murahu hau anḓadza hawe uri uḓo fhambana navho nga Musumbuluwo wa la u thoma la Shundunthule, he vha thutha luimbo lwawe kha siaṱari ḽa YouTube. Uri vhovha na thendelano uri u ḓovha navho lwa minwaha miraru hone ovha asa tami u bvela phanḓa nau shuma navho.
Muambeli wa Open Mic Vho-Nkateko Maluleke vhari vha ngasi bve mulomo kha khudano iyi sa izwi vhoḓi vhofha u shuma na Makhadzi.