Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Nga Mugivhela wa ḽa mbili Khbvumedzi hodelani ya Khoroni, vha tshiimiswa tsha Tshilande, vho farana zwanḓa na tshiimiswa tsha Rofhiwa Manwadu vho fara muṱaṱisano wa vhonyalunakao vha vhanna na vhafumakadzi vha u tshila na vhuholefhali wa 2023. Makondelele Mukonazwothe a bvaho kusini kwa Mbaleni o pfufhiwa uvha khosi (Mr Vhembe Disability) kha tshiteṅwa tsha vhanna.
Muambeli wa madzangano ayo oṱhe, Khathu Tshilande, uri vhathu vhe vhavha vha khou kungiwa ndi vhaswa vha minwaha ya fumi-na-raru u swika kha furaru-na-ṱhanu vhane vha tshila na vhuholefhali. Uri ndivho yavho ndi u maanḓafhadza na u ṱuṱuwedza vhane vha tshila na vhuholefhali uri vha ḓi ṱongise nga zwine vhavha zwone na uri vha ḓivhe uri u tshila na vhuholefhali azwi ambi uri vha a balelwa. "Ri ṱoḓa u vha ṱuṱuwedza uri vhavhe na vhuḓifulufheli kha vhone vhane na u takalela vhuḓi havho, naho huuri vha tshila na vhuholefhali," vha amba.
Khathu uri u ḓala ha vhaswa vhe vha dzhenelela muṱaṱisano uyu ndi mvelele dzavhuḓi khavho.
Makondelele u dovha hafhu avha Mr Fhulufhelo 2022, tshikolo tsha vhana vha ṱhoḓea dza tshipentshele. Uri ovha o ḓalelwa nga dakalo a tshi pfufhiwa uvha khosi kha tshiteṅwa tshavho. "Vhathu vhe vha nṱuṱuwedza u dzhenelela muṱaṱisano ndi vhabebi vhanga na vhagudisi vhanga tshikoloni. Vha nngeletshedza uri ndi songo ḓi nyadza. Ndi ṱoḓa u ṱuṱuwedza na vhanwe vhaswa uri vha songo ḓi nyadza ngauri vha tshila na vhuholefhali, vha dzhiele nṱha ndoro dzavho," a amba.
Makondelele u khou gudela mishumo ya zwanḓa ya u lugisa thundu dza nduni tshikoloni tsha Fulufhelo tsha vhana vha ṱhoḓea dza tshipentshela, u na fulufhelo ḽauri a tshi ṱhaphudza pfunzo dzawe Fulufhelo u ḓo vha na bindu ḽa zwe a gudela uri a kone u thusa na vhanwe vhaswa vhane vha tshila na vhuholefhali u fana nae.