Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Rabelani Mamagwa wa minwaha ya furaru-malo wa u bva kusini kwa Mianzwi vhuponi ha Maṱangari, o shumisa tsimu ye a sielwa nga makhulu sa bulasi ḽa u ṱavha zwibveledzwa zwa u rengisela vhadzulapo vha vhupo uho.
Mamagwa uri zwa vhulimi o zwi thoma a tshi shuma masimuni e na makhulu awe, mufumakadzi wa vhane Vho-Martha Rangwedi, a tshe muṱuku. U lovha ha khotsiawe nga nwaha wa gidimbili sumbe, zwo mu kombetshedza uri a vhe ene ane a ṱoḓa mushumo uri a unḓe hayani. "Ndo shuma lwa tshifhinga tshipfufhi, ndari u vhona uri masheleni ane nda avhelwa one ha lingani u unḓa hayani, nda ṱutshela mushumo nda humela kha u shuma masimuni," a amba.
Naho Mmagwa a songo vhuya a wana pfunzo nga ha vhulimi kana u lambedzwa, o kona u shumisa tsimu iyo yea sielwa nga uḓi sikela mushumo.
Mamagwa uri a tshi aluwa, lutamo lwawe hovha uri avhe muongi wa zwa mutakalo, fhedzi a balelwa u swikelela muḽoro uyo nga u shaya masheleni hayani au badela pfunzo dzawe. "Ndi tshi thoma zwa vhulimi, vhathu vhanzhi vho humbula nau amba uri ndi khou ḓi fhedzela tshifhinga hone mishumo yanga ai ngayi thambo. Thangana murole yanga vha takalela u shuma dzi ofisini, fhedzi nne ndi takalela zwau shuma mavuni."
Mamagwa u ṱuṱuwedza vhaswa, zwihulu vha vhasidzana uri vha dzhiele nzhele vhulimi. "Vhulimi ndi buḓo ḽi takadzaho. Muthu u shuma nga nḓila yawe, hone nga tshifhinga tshawe. Zwovha zwi songo leluwa ndi tshi thoma, fhedzi zwa zwino, ahuna ane anga nṱuṱuwedza uri ndi litshe zwa vhulimi, vhulimi ho novha vhutshilo hanga," a engedza.
Mamagwa u ṱavha zwibveledzwa zwi tshi anana na khalanwaha ya tshifhinga tshetsho, u ṱavha miroho, mavhele, na mafola. Nga vhulimi, ua kona u unḓa vhathu vha malo hayani, a dovha a isa vharathu na khaladzi tshikoloni vhane vhavhili vhavho vha kha magudedzi a nṱha.
"Huna zwikhala zwinzhi zwa mabindu shangoni lashu. Vhathu vha tou fanela u zwi limuwa uri lupfumo lu mavuni," a fhindula.
A tshi vhudziswa nga ha dzi khaedu dzine a ṱangana nadzo, uri maḓi ndi yone khaedu khulwane kha bindu lawe. "Arina maḓi kha vhupo hashu, ri ḓi imisa nga maḓi a mvula. Na vhuendedzi ha u hwala zwibveledzwa uya kha mimakete u mona na vunḓu la Limpopo ndi khaedu kha rine," a amba.