Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Miṅwaha ya u shuma nga maanḓa na u ḓikumedzela zwo fhedza zwo bveledza mitshelo yavhudi kha mutambi wa bola ya milenzhe wapo wa vhukoni ane avha Ndamulelo Maphangule, we a nangwa kha tshigwada tsha thimu ya lushaka Africa Tshipembe ya Bafana Bafana u ḓou tamba na thimu ya Lesotho kha muṱaṱisano wau swikelela u tamba kha muṱaṱisano wa 2026 FIFA World Cup kha fhaḽa luvhanḓeni lwa Peter Mokaba nga Ḽavhuṱanu ḽino.
Maphangule, ane a dzula Hamasakona, Vhembe, zwa zwino u khou tamba kha ḽigi ya Betway Premiership thimu ya Polokwane City.
Mugudisi wa Bafana Bafana Vho Hugo Broos vho kombetshedzea u dzhiela vhudzulo mutamba kati wa Orlando Pirates Patrick Maswanganyi, we a huvhala nahone vha xelelwa nga gundo ḽa tshigwada tshavho nga 2-1 kha Mamelodi Sundowns kha nndwa ya Premiership ya Betway ngei FNB Stadium nga Swondaha. U ḓihudza ha Maswanganyi zwo sika tshikhala tsha uri Maphangule a bvele phanḓa na u sumbedza vhundeme hawe .
Maphangule o thoma mushumo wawe wa bola ya milenzhe ngei Masakona United a sa athu pfulutshela kha thimu ya Black Leopards Diski nga ṅwaha u tevhelaho. Vhukoni hawe ho vhoniwa nga ṱholi i bvaho kha Mbombela United, tshigwada tsha Lushaka tsha u Thoma tsha Division, tshe tsha mu ṋea thendelano.
Musi Mbombela United i tshi fhungudziwa nga wonoyo ṅwaha, Maphangule o vhuya hayani u ṱanganela na Akhademi ya Bola ya Milenzhe ya Venda, a tshi khou ṱaṱisana kha ḽigi ya ABC Motsepe. Nga murahu o mbo ḓi ṱanganela na Ḓorobo ya Polokwane, hune o tamba nga maanḓa sa mutambi kati.
Maphangule u khoḓa thimu yawe ya lushaka ya zwenezwino kha vhane vha tamba navho na vhashumi vha thekhinikhala ngei Polokwane City. O dovha a sumbedza u livhuwa tshitshavha tsha Vhembe, he a amba zwauri thikhedzo yavho yo mu thusa u vusa mushumo wa bola ya milenzhe.
Musi a tshi vhudziswa nga ha zwine a zwi tama, Maphangule o amba uri tshipikwa tshawe ndi u tamba mashangoni a nnḓa ḽiṅwe ḓuvha. O ṱalusa u vhidzwa hawe kha Bafana Bafana sa vhukando ho teaho ha u swikelela muloro wawe wa u vha muthu wa tshifhinga tshoṱhe kha tshigwada tsha lushaka.