Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Mashudu Bele wa minwaha ya furaru-sumbe (37), munna we a vha a tshi ḓiita mureili wa thekhisi kha ḓorobo ya Thohoyandou u kunga vhafumakadzi uri a vha ṱhasela nau vhulaha, o wanala e na mulandu wa u tswa, u tswa odi ṱama nga zwihali, na u vhulaha vhege yo fhiraho nga vha khothe khulwane ya Ṱhohoyanḓou. O ḓou gwevhiwa u dzula dzhele vhutshilo hawe hoṱhe.
U vhonwa mulandu wa Bele zwi bva kha tshiwo tshe tsha bvelela nga Ṱhafamuhwe 2023. Fhatuwani Asnath Nguluvhe wa minwaha ya furaru-iṋa (34) o ngalangala a tshi khou ya hayani u bva Thavhani Mall, he ovha a tshi shuma hone nga tshifhinga itsho. Nga hetsho tshifhinga, Bele o vha a tshi khou shuma sa mureili wa thekhisi a siho mulayoni nga ngomu na u mona na ḓorobo ya Thohoyandou, a tshi khou ḓivhadza tshumelo yawe ya thekhisi ya vhufhura kha nyanḓadzamafhungo ya matshilisano. Vhaṋameli vho vha vha tshi ḓo kwamana nae u itela u namela, vha sa ḓivhi nga ha ndivho dzawe dza vhukuma kha mishumo yawe mivhi.
Kha Fhatuwani, lwendo lwo fhela nga maṱungu ha ngo vhuya a swika hune ovha a tshi khou ya hone. Muṱa wawe wo vhiga uri o ngalangala tshiṱitshini tsha Mapholisa tsha Thohoyandou nga murahunyana ha musi o no ngalangala. O vha a tshi khou dzula kha rumu ya munwe wa miḓini ya Maniini ( Ṱhohoyanḓou), hune ndi tshikhala tshiṱuku fhedzi u bva Thavhani Mall.
Vha muṱa wa hawe, Livhuwani na Robert Munyai vha bvaho muvhunduni wa Mapakoni kha muvhundu Niani, vho dzudzanya fulo la u ṱoḓa na u ṱoḓa zwiṱaka u mona na Maniini na fhethu ho vha tangaho, fhedzi vha si bveledze tshithu.
Mapholisa vho thoma ṱhoḓisiso nahone vha tevhela kha vharangaphanḓa. Nga ḽa 22 Ṱhafamuhwe 2023, vho fara Bele muvhunduni wa Tshikweta, he vha wana khadi dza bannga dzine dzovha dzi dza Fhatuwani o ngalangalaho. Vhusiku honoho, tshitumbu tsha Fhatuwani tsho wanala tsho posiwa tsini na bada ya Maria ya Punda ya R524 tsini na muvhundu wa Maniini.
Nga murahu ha u ḓivhonadza ha u thoma phanḓa ha khothe ha Bele khothe ya Madzhisiṱaraṱa ya Thohoyandou, vhapondwa vhanzhi vho ḓa phanḓa, vha tshi pomoka uri o dovha a vha ṱangula na u vha tzhipa. Miṅwe ya milandu iyi nga murahu yo engedzwa kha bammbiri ḽawe ḽa mulandu.
Mulandu wawe wo sedzana na u lenga lunzhi, fhedzi musi a tshi fheleledza o sengiswa Khothe Khulwane ya Thohoyandou (ine yo dzula Waterval), o hweswa mulandu wa milandu ya fumi-malo, ulire na tshivhalo ine khayo ha katelwa na u ṱangula oḓi ṱama nga zwihali zwi re na zwiimo zwi konḓaho, u tswa, u tzhipa, u vha na thundu yo tswiwaho, na u vhulaha.
Bele o vhonwa mulandu kha milandu miraru: u tswa, u tswa nga zwihali zwi re na zwiimo zwi konḓaho, na u vhulaha. Naho zwo ralo, khothe yo wana vhuṱanzi vhu songo eḓanaho ha u mu vhona mulandu kha miṅwe milandu. O gwevhiwa miṅwaha miṱanu nga ṅwambo wa u tswa, miṅwaha ya fumi-ṱhanu (15) ya u tswa nga zwihali, na u dzhena dzhele lwa vhutshilo hoṱhe nga ṅwambo wa u vhulaha.
Mafhungo a u gwevhiwa hawe o ḓa sa u vhofholowa kha muṱa wa Nguluvhe. Livhuwani Munyai muraḓo wa muṱa wa ha Nguluvhe, vha ri u vhonwa mulandu zwo ri ṋea vhuṅwe khuthadzo, fhedzi vho vha vha tshi kha ḓi tshuwiswa nga mbudziso dzi sa fhindulei. "A ri ḓivhi uri ndi mini tsho itaho uri a mu vhulaye. Hango vhonala a tshi ḓisola. Khothe yo mu humbela uri a kovhele maipfi awe a u fhedzisela a sa athu mu vhulaha, nahone zwe a amba ndi uri ha humbuli. Zwi a vhavha vhukuma," vha amba.