Tshiṱori nga: Maanda Bele. Ṱhalutshedzo nga: Khathutshelo Raliphaswa.
Mbilu ya Masindi Netshakhuma yovha yo ḓala dakalo hone atshi ḓi rwa khana a tshi vhuya na tshiphuga tsha Forty under 40 hayani. Masindi ndi munwali ane ono pfufhiwa zwiphuga, muḓivhadzi zwa mvelele na muiti wa fiḽimu wa minwaha ya fumbili rathi ane a bva kha kusi kwa Itsani, Thohoyandou. O pfufhiwa tshiphuga kha sia ḽa u nwala nau vhumba maṅwalwa kha zwiphuga zwa ṋaṅwaha Forty under 40, mushumo wa pfufho idzi wo farelwa hodelai ya Leonardo ngei Sandton nga Mugivhela wa ḽa fumbili ṱhanu Thafamuhwe.
Pfufho idzi dzi sumba, u hulisa nau pembela vhaswa vhane vha na ṱhuṱhuwedzo hone ndi vharangaphanḓa vha mabindu vha fhasi ha minwaha ya fuiṋa. Ṋaṅwaha, vhaswa vha fhasi ha minwaha ya fuiṋa vhevha nwalela kha vha pfufho idzi vha fhira zwigidi zwiraru. Ho rumela vha mashango a fumbili ina kha masia a swikaho fuiṋa. Vhe vha rwela pfufho idzi dzau mona na dzhango ndi Minisiṱa kha ofiice ya Muphuresidennde vha langaho vhafumakadzi, vhaswa na vhaholefhali, Dokotela Vho-Nkosazana Dlamini-Zuma.
Masindi uri ovha o zwipfa uri tshiphuga itshi ndi tshawe. "Ndo zwi ḓivha uri ndi ḓo vhuya na tshiphuga itshi hayani. Ndo takala nau livhuwa u nangiwa kha vhanzhi vhe nda dzhenelela navho. Ndi dovha hafhu nda livhuwa vhabebi vhanga nga pfunzo ye vha swikelela u nṋea yone, ngavhe ndi sinayo, ndovha ndi ngasi zwi kone u swika hune nda vha hone nau ima phanḓa ha hathu vhare na zwikili na ndalukanyo yo teaho," a amba.
Masindi ovha muraḓo wa kiḽabu ya dzi bugu ya Lampstand nga nwaha wa gidimbili fumi sumbe a anḓadza zwirendo zwawe zwa Luisimani, zwe zwa vhidzwa Vision and Legacy, nga ṅwaha wa gidimbili fumi malo. Nga ṅwaha wa gidimbili fumi malo, a dovha hafhu a ṅwala bugu dza tshivhala na vhaṅwe vhaṅwali, hu tshi katelwa na Tshanduko a na Nndanduleni Jeffrey Manthakha. Nga ṅwaha wa gidi mbili fumi ṱahe, nga tshirendo tshawe, Lushie o pfufhiwa kha muṱaṱisano wa AVBOB wa zwirendo. Nga ṅwaha wa gidimbili fumbili, o ya kha nḓowetshumo ya fiḽimu na muteo wa dzi vidio. O ṱhaphudza pfunzo dzawe kha Yunivesithi ya Limpopo nga ṅwaha wa gidimbili fumbili nthihi, a tshi gudela zwa pfunzo.
Naho o takala vhukuma ngau pfufhiwa nga tshiphuga itshi, Masindi uri thikhedzo nga dzi khetho fhano hayani zwo konḓa. "A touvha mashudu mavhi uri Venḓa vhathu avha ṋeiwi thikhedzo. Ndo wana thikhedzo kha vhathu vha nnḓa u fana na kha shango la Kenya, vhe vha ntikedza sa izwi ndi muraḓo wa tshemba ya mabindu a Kenya-SA. Lwendo ulu alu ngovha lwo leluwaho, fhedzi ndi a livhuwa muṱa wanga na mugudisi wanga. Vho ndededza zwavhuḓi kha lwendo lwanga," a vhina ngau rali.