Tshiṱori nga: Maanda Bele. Ṱhalutshedzo nga: Khathutshelo Raliphaswa.
Mutumbuli wa dzangano ḽa Blacque Outreach, Masindi Raselabe, o ḓi imisela u ḓisa tshanduko kha matshilo a vhagudiswa vha zwikolo zwa vhupo ha mahayani.
Masindi wa minwaha ya furaru-nṋa a bvaho vhuponi ha Nzhelele kha kusi kwa Hamatidza, uri dzangano ḽawe ndi ḽine ḽo ḓi nekedzela kha u thusa vhane vha shaya. U vhona u shaya ha miṱa minzhi kha vhupo ha mahayani ndi zwine zwa mu maanḓafhedza uri a kone u isa tshanḓa tshawe kha vhashayaho. Hu na miṱa minzhi ine vha balelwa nga u renga vhmanyana vhavhasidzana zwishumiswa zwa ḓuvha ḽinwe na ḽinwe musivjovhidzwa ngaupo zwine hunwe zwa sia vhana vhanzhi vha tshi ṱahela manwe maḓuvha a zwikolo. U amba nga ha khaedu idzi, Blacque Outreach i kha fulo ḽa u vha na dzi nyambedzano na vhagudiswa vha zwikolo zwa fhasi na kha dzi kereke.
Nga ṅwedzi wa Ṱhangule fhedzi, dzangano iḽi ḽo nea vhagudiswa vha tshikolo tsha fhasi tsha Mapakophele na dzi kereke dza kusi kwa Thembaluvhilo, Nzhelele zwishumiswa zwa vhananyana zwa 780 na dzi bege dza mahumi mavhili a zwishumiswa zwa u ṱamba na u ḓola.
Masindi u tenda kha u vhuedzedza tshirunzi kha vhana nga u vha ṋea zwishumiswa zwa ndeme uri vha ṱuṱuwedzee uri vha ḓi fune na u ya zwikoloni maḓuvha oṱhe, zwine zwa dovha hafhu zwa vha ṋea zwikhala zwa u bvelela zwavhuḓi.
Bono ḽawe ndi uri a kone u thusa vhathu nga zwishumiswa zwa vhasidzanyana na zwishumiswa zwa u ṱamba. "Ndo limuwa uri vhagudiswa vhanzhi vha na ṱhahelelo dza yunifomo na zwienda zwa u ya tshikoloni. Ndi khou luka maano a uri ṅwaha u ḓaho kha fulo ḽashu ḽa ṅwaha na ṅwaha nga Thangule ndi kone u engedza yunifomo na zwienda zwa tshikolo kha u ṋea vhagudiswa vha shayaho," a amba.
"Zwa zwino, vhane vha nnetshedza zwishumiswa ndi dzi ṱhama na mashaka, hone avha kundelwi u nthusa nga nḓila dzine vha kona ngadzo. Ndi tama uri vhoramabindu vhapo vha Nzhelele vha ḓi dzhenise kha u netshedza zwishumiswa," a engedza.