Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Ḓivhazwakale yo itea vhege yo fhiraho musi Masipala wapo wa Collins Chabane u tshi utshinetswa ḽaisentsi u bva kha Mulauli wa Fulufulu wa Lushaka wa Afrika Tshipembe (NERSA) u ri u kone u ṋetshedza muḓagasi. Masipala uyu ure ngomu h masipala wa tshiṱiriki tsha Vhembe u ḓo tendelwa u vha na maanḓa a u bva kha zwimela zwa fulufulu u isa kha zwitshavha zwa tsini.
Kha tshitiriki tsha Vhembe, ndi mimasipala: Makhado na Musina fhedzi ine ya vha hone zwino ine yo tendelwa u rengisela vhadzulapo muḓagasi. Vhuvhili ha mimasipala iyi vha na maanḓa au renga muḓagasi nga vhunzhi u bva kha Eskom na u u rengisa hafhu nga kha themamveledziso dzavho. Mbuelo dzine vha wana kha maitele ayo vhaa kona u vha na mbuelo nnzhi khavho.
Ṋeḓorobo wa Collins Chabane Vho Shadrack Maluleke vho ṱalusa ḽaisentsi sa mvelaphanḓa ya ḓivhazwakale. "Ri masipala wa u thoma u ṋewa ḽaisentsi yo raloho u bva tshe havha na dimokirasi," vha amba ngauralo.
Vho Maluleke vho ṱalusa zwauri ḽaisentsi iyi i fhambana na ya Makhado na Musina kha zwenezwo fhedzi zwine zwa tendela Collins Chabane kha muḓagasi une wa u bveledza nga kha zwiṱiriki zwayo zwa ḓuvha. Mivhundu mihulwane yo ṱaluswa uri ndi: Nkuzana, Malamulele D na Mavambe View. "Ri ḓo fhaṱa zwimela zwashu zwa ḓuvha, fhedzi ri ḓo kha ḓi shumisana na Eskom. Ro no vhona na fhethu hune ha do shumiswa hone," vha amba.
Vho engedza nga uri, vha tshi khou engedza kha u bvelela ha mishumo ine ya khou rangela ya u lingedza, mushumo u ḓo phaḓaladzwa kha miṅwe mivhundu.
U itela u fhungudza nyofho dza uri mbadelo dza muḓagasi dzi nga gonya, Vho Maluleke vho amba uri vhadzulapo vha ḓo vhuelwa nga mushumo uyu. "Ri kha maitele a u dzhenisa COGHSTA nga ndivho ya u thoma muhasho wo fhelelaho wa tshumelo dza muḓagasi une wa ḓo vha na ṱhoho ya phothifoḽio na mulanguli muhulwane a re na tshipiḓa tsho fhelelaho tsha vhashumi. Hezwi zwi ya kha u sumbedza uri ri vha vhahulwane lungafhani kha u ita uri muḓagasi u kone u ḓura kha vhadzulapo vhashu," vho ralo.
Vho Maluleke vho dovha vha amba uri masipala wo pulana u wana thendelano na mavhengele/zwigwada zwihulwane zwa u rengisa u itela u rengisa muḓagasi, na nga murahu u engedza tshumelo kha mabindu maṱuku mivhunduni, ngauralo vhadzulapo a vha tsha ḓo tea u tshimbila tshikhala tshilapfu u itela u renga muḓagasi.