Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Tshigwada tsha matshudeni a Yunivesithi ya Venda vha khou ṱoḓa masheleni avho murahu nga murahu hau avhelwa ṱhanziela dzi siho mulayoni dza Early Childhood Development (ECD). Vhari ṱhanziela idzi a dzina tshileme hone khumbelo dzavho dza mishumo na dza u bvela phanḓa na ngudo dzavho dzia haniwa kha dzi dipiloma dza murole wa R.
Matshudeni aya vho gudela ECD ine ya ḓiswa nga vha Univen Innovative Growth Company (UIGC) lwa miṅwedzi ya fumimbili vhukati ha ṅwaha wa gidimbili fumi ṱahe na ṅwaha wa gidimbili fumbilithihi sa izwi hovha huna na vhulwadze ha Covid-19. Matshudeni aya vhari vho badela masheleni a swikaho zwigidi zwa fumi malo na maḓana maṱanu.
Vhanwe vha matshudeni vho kwameaho nga nyimele iyi, vhari vhovha vhu vhidzelwa ndingo dza mushumo fhedzi vha vhakundelwa u shuma sa izwi ṱhanziela dzavho dzi sa vha tendeli u funza murole wa R. Vha khou vhila masheleni avho murahu sa izwi vhovha vho dzhena zwikolodoni ha vho matshonisa uri vha kone u badela masheleni a pfunzo.
Vhari musi vha tshi isa khumbelo dzavho dza pfunzo kha magudedzi a fanaho na Unisa, Yunivesithi ya North-West na yone ine Yunivesithi ya Venda vha a hana khumbelo dzavho. Vha tenda ḽauri maraga dzavho dza pfunzo na zwiṱatamennde zwa dzi mvelelo dzavho a dzi anani na ṱhanziela dza ECD dze vha ṋeiwa dzone.
Ho humbelwa vha dzangano ḽa Thusa Lushaka Paralegal & Advice uri vha dzhenelele, fhedzi vha Yunivesithi vhari a vhanga ḓo bva mulomo nga ha mbilaelo dza matshudeni.
Muambeli wa Univen, Vho-Takalani Dzaga, vho hanedza zwine yunivesithi ya khou pomokwa zwone, vhari iyo khoso ya ECD yo themendelwa sa izwi yo iswa kha vha Internal Programme Quality Assurance (IPQA) ya yunivesithi ya Venda. "Yo themendelwa nga vha khoro ya vhagudisi ya Afrika Tshipembe (SACE), Hone vhanwe vha vhagudiswa vho fhedzaho vho tendwa nga muhasho wa pfunzo sa vhagudisi vha mirole ya fhasi, ngeno vhanwe vho ṱanganedzwa nga Yunivesithi ya Afrika Tshipembe uri vha bvele phanḓa na pfunzo dzavho dza dipiloma kha mirole ya fhasi," Vho-Dzaga vha amba.
Muambeli wa khoro ya vhagudisi, Vho-Risuna Nkuna, vhari muhasho a ungo rwela dzi ṱhanziela dza pfunzo kana dzi ndalukanyo.
Mulangi muhulwane wa u ṅwalisa na u tendela kha thendelo ya ndalukanyo dza Afrika Tshipembe (SAQA), Vho-Japie Nel, vhari dzina kha ṱhanziela ya ECD ḽo fhambana na dzina ḽe ḽa ṅwaliswa na vha SAQA. "Huna ṱhanziela ya ECD ine ye ya ṅwaliswa ya luṱa lwa vhuṱanu kha NQF kha yunivesithi ya Venda, ye ya swika magumoni nga ḽa furaru-thihi Nyendavhusiku gidimbili fumi malo. Hone Yunivesithi iyi yovha yo tendelwa u ṅwalisa matshudeni u swika nga ḽa furaru Nyendavhusiku gidimbili fumiṱahe, matshudeni vhovha vho ṋewa tshikhala tshau fhedza ndalukanyo iyo nga Nyendavhusiku gidimbili fumbili-thihi," Vho-Nel vha amba.
Ho iswa na khumbelo kha muambeli wa muhasho wa pfunzo dza nṱha (DHET), Vho-Ishmael Mnisi, nga ha fhungo iḽi, fhedzi vha rumela vha nyandadzo ya mafhungo ya Limpopo Mirror kha vha khoro ya pfunzo dza nṱha (CHE), he ra isa khumbelo nga ḽa fumiṱahe Fulwi. Naho ro lingedza u zwi sala murahu, ahuna phindulo i bvaho kha muambeli wa khoro, Vho-Ntokozo Bengu, nga ha fhunzgo iḽi.