Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Sa izwi vhaswa vha tshi kundelwa u khwinifhadza matshilo avho ngauri Afrika Tshipembe huna ṱhahelelo ya mishumo, muswuhana Israel Mbedzi wa ubva kusini kwa Tshandama o dzhia tsheo uri a thome bindu ḽawe ḽau runga zwienda uri akone u ḓi ṱhogomela.
O fhedza tshifhinga tshilapfu a tshi humbula nga nḓila dzau thoma bindu. O lingedza nḓila nnzhi dzau thoma bindu kha tshiṱiriki tsha Vhembe, a lingedza nau vula vhengele hayani nau rengisa zwino na zwila tshiṱaraṱani. Mbedzi o vhona tshikhala khau thoma bindu ḽau runga zwienda. "Ndo aluwa ndi tshi ambara zwienda zwo kheruwaho sa izwi ndi tshi bva muṱanu une ra shaya, tshinwe tshifhinga zwi tshi ḓi kheruwa ndi tshi khou tshimbila na vhanwe vhathu, nda tea u zwi runga hafhu nṋe mune," a amba.
Uri nyimele yawe yovha i konḓaho sa izwi ovha atshi ḓi tshimbila nga milenzhe nga hone vhushai. "Ndovha ndi tshi pfa muya wanga u fhasi, zwihulu ndi tshi tshimbila nga milenzhe ḓoroboni. Ndihe nda thoma u runga zwienda nga mabogisi, fhedzi ndovha ndi tshi lemelwa musi mvula i tshi na."
O vhona uri u runga zwienda zwienda nga mabogisis ndi bindu ḽi vhuedzaho khae, a thoma u runga zwienda a tshi shumisa ḽeḓa na malabi a zwienda zwa kale u runga zwienda zwiswa. Ayo ovha mathomo a bindu ḽawe ḽine a ḽi langa a hayani kha kusi kwa Tshandama.
"Khaedu yanga zwa zwino ndi masheleni au renga zwishumiswa zwau runga zwienda. Zwa zwino ndi kona u runga phere mbili nga nwedzi. Nda tou wana thuso ya masheleni ndi nga swikelela u runga phere ṱhanu nga vhege, nda kona nau gudisa vhanwe u runga uri bindu ḽanga ḽi aluwe. Ndi takalela uri linwe ḓuvha ndi sikele vhanwe vhaswa mishumo vhane vha shaya mishumo sa nne," a engedza.
Mbedzi uri vhana vha Mutale vhane zwienda zwavho zwo ṱahala vha mu kwame kha uri a zwi runga. Mbedzi anga kwamiwa kha nomboro yawe ya 079 559 6334.