Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Mishumo Thanyani Mabada, ane o dzhenelela muṱaṱisano wa uvha Mrs Universe Afrika 2023, uri u dzhenelela hawe muṱaṱisano uyu asi u itela uḓi takadza kana uḓi mvumvsa. Mabada o bebwaho Dlamini khala Soweto, ane a vha na midzi u bva kha ḽa Shayandima Ṱhohoyandou, uri u ṱoḓa u kwama matshilo a vhathu vhanzhi nga nḓila dzavhuḓi. U ṱoḓa u shumisa mutheo wawe wa Mishumo Foundation, u eletshedza nau thusa vhafumakadzi na uvha ṋea fulufhelo uri arali ene ozwi kone, navho vhanga zwi kona.
Nyalunako uyu Mabada u dovha hafhu avha ramabindu kha zwau fhaṱa, zwa lunako na zwau ḓi ṱhogomela zwavhuḓi lwau fhira minwaha ya fumi. Ndi mune wa Tsiko Beauty Spa, kha bindu iḽi, ono shuma na vhaḓivhalea vha bvaho kha matambwa sa Muvhango, hone ono ḓi wana a khou shumisana na vha bugu ya Drum.
"Sa ramabindu wa mufumakadzi kha mabindu ane ndavha nao, na uvha muṋei, lwendo lwanga kha muṱaṱisano wa Mrs Universe Afrika lu ḓo ṱuṱuwedza vhana vha vhasidzana na vhafumakadzi vhanzhi, musi ndi tshi kovha navho zwine nda zwi takalela. Ndi takalela u kwama matshilo a vhathu na u tsireledza vhana vha vhasidzana muhumbulo, muvhili na vhuḓipfi nga kha mutheo wa Mishumo Mabada foundation," a amba.
Mabada u lwela u maanḓafhadziwa ha mabindu maṱuku hone na dzi khaedu dzine mabindu maṱuku kha shango ḽashu a ṱangana nadzo dzine dza a thivhela u aluwa uri avhe mabindu mahulwane.
Ḓuvha ḽa muṱaṱisano ndi ḽa ṱahe Fulwana, Lyric Theatre ngei Gold Reef City. Vha nga tikedza Mabada ngau mukhetha nga thingo, vha khetha nomboro ya vhu fumbili kha Webticket, Pick 'n Pay na Boxer. Kana vha mu tevhela kha siaṱari ḽa Mrs Universe Afrika kha Instagram (@mrsuniverseafrica) na siaṱari ḽa Facebook (@mishumo.m).
"Ri lavhelelwa u kuvhangana masheleni a linganaho R10 000 ane a ḓo newa vha Dorah's Ark, haya ha vhana ngei Roodepoort na vhafumakadzi vhane vho kwamea ngau tambudzwa ha mbeu. Vhane vha ṱoḓa u ntikedza kha lwendo lwanga ngau lambedza, vha nga nkwama kha 083 340 4584," a amba.