Tshiṱori nga: Maanda Bele. Ṱhalutshedzo nga: Khathutshelo Raliphaswa.
Tinyiko Hilary Khoza, ane avha mutshini na mugudisi wau tshina, o anḓadza nyimbo yawe ye yavha yo lindelwa nga vhatevheli vhawe ine ya vhidzwa Pandza, nga Lavhuṱanu ḽa mbili Fulwi. Iyi ndi nyimbo ine yaḓo katelwa kha aḽibamu thangeli yawe ine ya ḓo anḓadzwa nga ḽa iṋa Thangule ṅwaha-uno. Mutshini uyu u ḓivhea khwine nga ḽa Miss Hilary kha nḓowetshumo wa vhumvumvusi.
Miss Hilary wa minwaha ya fumbiliraru ane abva kusini kwa Hasani-Dakari ngei Ha-Malamulele ono shuma na vhaḓivhalea vha ngaho Sho Madjozi, Makhadzi, Cedric Tsongaboy na nyalunako wa kale wa ḽa Afrika Tshipembe, Shudufhadzo Musida.
Nga murahu ha minwaha ya fumiṱhanu a mutshini, o dzhia tsheo yau sumbedzisa vhukoni hawe sa ramuzika. "Ndo aluwa ndi tshi thetshelesa muzika wa sialala kha vhoramuzika vha fanaho na Patrick Nkuna, Thomas Chauke, Mahotella Queens, Boom Shaka, Brenda Fassie na vhanwe vhanzhi. U tou khetha ramuzika muthihi ane nda ngari ndi ene o nṱuṱuwedzaho ndi tsheo i konḓaho sa izwi vhunzhi havho vho nṱuṱuwedza nga nḓila dzo fhambanaho, vhanwe vho nṱuṱuwedza kha kuambarele, vhanwe kha nḓila ine muzika wa unga ngayo. Ndo thoma u imba ndi tshe kha khwairi ya tshikoloni nga ṅwaha wa gidimbili fumiiṋa ndi tshe tshikoloni tsha nṱha, ndo thoma u kandisa muzika wa siala ya vatsonga na miraḓo ya muṱa washu kha tshigwada tshe tsha vhidzwa Mabrazil. U imba hanga ndi sina tshigwada tsha Mabrazil ndo thoma nga ḽa fumbili-ṱhanu la Luhuhi ṅwaha-uno," a amba.
"Aḽibamu thangeli yanga ndi ine ya amba nga zwine ndavha. Munwe na munwe una zwine a tenda khazwo na zwine zwa imela vhuvha havho. Ndi muthu ane a ḓivha vhubvo hawe sa murema, hone ndi vhona muzika na utshina hu yone nḓila ya khwine yau zwi sumbedzisa kha mushumo wanga wau thoma. Ndo shuma na Simefree, Olefied Khatha, Ndu Browns na Sakhile Manqele kha alibamu thangeli yanga."
Miss Hilary ono wina zwiphuga zwi katelaho muṱuṱuwdzi wa khwine wa sialala nga ṅwaha wa gidimbili fumbilimbili.