Tshiṱori nga: Thembi Siaga & Ṱhalutshedzo nga: Raliphaswa Khathutshelo
Ramuzika ane a divhea sa "Khosi ya venrap" Mizo Phyll o vhuya hafhu na nṅwe aḽibamu yawe ya muzika ntswa, ino vhidziwa Missed Call. Aḽibamu iyi, yo bvisiwa nga Ḽavhuraru, 8 Ṱhafamuhwe, i fulufhedzisa i tshi ḓovha aḽibamu i mvumvusaho vhukuma.
Livhuwani Aubrey Ratshiungo u bva ngei Maniini Block J, ane avha Mizo Phyll kha nḓowetshumo ya muzika ndi munwe wa vhoramuzika vho bvelelaho zwavhuḓi kha ḽa Vhembe. Uyu ramuzika asi muimbi a ḓivheaho fhedzi, u dovha hafhu avha munwali wa nyimbo na uvha ramabindu. Una minwaha i paḓaho 12 zwa zwino a kha nḓowetshumo ya muzika hone ono wana na zwiphuga kha minwaha iyi, hu tshi katelwa na u wana tshiphuga tsha nyimbo ya khwine ya Hip-Hop ya Tshivenda kha nyimbo yawe ya Tshikandeledzi, kha dzi SATMA nga 2009, na uvha makone wa ṅwaha kha Hip-Hop kha dzi awadi dza 'FAME SA' nga 2015.
Ṅwahoḽa, o bvisa aḽibamu yawe, Phanda, a na ramuzika Makhadzi.
Kha nyambedzano na gurannda ya Limpopo Mirror, Mizo Phyll uri lufuno lune vhatevheli vhawe vha mu sumbedza i touvha tsumbo yauri vhathu vha Afrika Tshipembe vha takalela tshaka ya muzika une a imba. "Vhatevheli vhanga vha takalela uri ndi dzulela u isa phanḓa na u imba nga luambo lwa ḓamuni, Tshivenḓa, zwinzhi sa izwi huna muzika wa Amapiano une u khou kunga u fhira dzinwe tshaka dza muzika kha shango ḽashu," u ralo.
Missed Calls yo vhumbiwa u bva kha aḽibamu thangeli (EP) yawe ine ya khou tevhela. Zwifanyiso zwa iyi nyimbo zwi bvisela khagala nyimbo, ine yo iteliwa vhatevheli vhawe vhane vha shuma vhukuma uri vha kone u tshila khwine. "Nyimbo iyi i touvha ya vhathu vhane vha shuma vhukuma, i dzikusa uḓi ṱukufhadza nau bvelela hune vhathetshelesi vha ḓo hu pfa vha tshi thetshelesa aḽibamu iyi. Mutaladzi 'arali nda ṱahela ṱhingo ya tshelede, ndi khou founa hafhu' i touvha ya uḓi netshedza kha u shuma vhukuma hu na dzi khaedu dza ḓuvha na ḓuvha. Vhatevheli vhanga vha fanela u sedza alibamuthangeli yanga ine ndi kati nayo, sa izwi i tshi ḓo mvumvusa vhathu kha sia ḽa muzika," u amba nga u ralo.
Missed Calls i wanala kha zwileludzi zwa vhudavhidzani zwoṱhe zwa muzika na (YouTube).