Tshiṱori nga Elmon Tshikhudo. Ṱhalutshedzo nga Khathutshelo Raliphaswa
Nga murahu ha u bvelela ha u bviswa hawe ha aḽibamu ya Khubul'ekhaya nga 2024, he ha vha hu na luimbo lwa u takalelwa lwa Tshiginga, zwa zwino Mpho Majiga khosi ya muzika wa Disco o vhuya na EP ya maanḓa ine ya pfi Dankie Mpilo.
EP ya nyimbo dza rathi yo rekhodiwa kha Faceoff Studios ngei Pretoria nahone yo bveledzwa nga Majiga ene muṋe. I na nyimbo zwine zwa nga Vho Tshinanga, Namibia is Lekker na Mphe Mphe, nahone yo khwinifhadziwa Downtown Music Hub fhaḽa Johannesburg.
Kha mushumo uyu, Majiga o shumisana na maṅwe a madzina mahulwanesa kha disco, hu tshi katelwa na Dalom Kids na Jacqueline Rotwane, vhe vha shuma na munnaavhane Dan Tshanda lwa miṅwaha i fhiraho mahumi mavhili. O dovha a sumbedza Bafana Kunene, murathu wa munnaavhane wa ngano wa Matshikos Band Penwell Kunene, khathihi na Tafula Madiba a re na vhukoni.
"Nga murahu ha lufu lwa mueletshedzi wanga na muhulwane Dan Tshanda, ndo pfa u nga ndi nga tou litsha muzika, fhedzi ndo vha ndi tshi zwi ḓivha uri ndi ḓo mu nyadza nga u sa isa phanḓa ifa ḽawe. Miṅwaha mivhili yo fhiraho, ndo dovha nda xelelwa nga murathu wanga muhulwane, nahone ndo dzhia tsheo ya u bvisa muzika muswa nga ṅwedzi wa Ṱhafamuhwe muṅwe na muṅwe sa nḓila yau mu ṱhonifho nau mu hulisa," a amba.
Majiga uri iyi EP ntswa yo sumbedza vhutshilo ha duvha na duvha. "Ṱhoho ya EP, Dankie Mpilo i ṱuṱuwedza vhathu uri vha songo laṱela thaula nga zwifhinga zwi konḓaho fhedzi vha livhuhe mpho ya vhutshilo. Nyimbo ya 'Muthu' i eletshedza vhathu uri vha ṱhogomele vhutshiloni, ngeno Vho Tshinanga i tshi humbudza vhathu nga midzi ya Dan Tshanda's Splash," a engedza.
Aḽibamu iyi i dovha ya katela na luimbo lwa u hulisa vhathu vha Namibia nga u mu tikedza musi vhaṅwe vhathu vha tshi lingedza u tshinya mushumo wawe. "Ndi a livhuwa vhukuma ṱhonifho na thikhedzo ine nda khou i wana. Ndi a takala uri ndi khou fheleledza ndi tsini na muloro wanga wa u vha munwe wa vho ramuzika vha khwine kha shango. Ndi nga dovha nda ḓivhadza uri ndi kha mutevhe wa mbekanyamushumo ya Nḓowetshumo ya Muzika ya Afrika Tshipembe nga murahu ha ṅwaha uno. Hezwi ndi ṱhonifho khulwane kha nṋe," a amba
Majiga, we na ene a bvelela kha mbekanyamushumo dza thelevishini dzi ngaho Generations, Muvhango na Moja Love, uri u khou livhuwa thikhedzo ye avha a tshi khou i wana zwino u bva kha tshitshavha, vhathu vha Vhavenda.
"Vhunzhi havhathu vhanzhi vhahumbula uri disco a i tsha ṱanganedzwa henefho. Remix ya luimbo lwa Keneillwe nga Master KG yo thusa u ḓivhadza murafho muswa nga ha muzika wanga. Ndi livhuwa Mudzimu zwa vhukuma kha zwoṱhe," o ralo.