Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Mugudisi wa mutambo wa mavili Vho John "Smoking Joe" Nemakonde vhari vho ṅwalisa munwe wa vhoramavili makone vhane vha tenda uri vha ḓo swika kule kha sia ḽa mutambo wa mavili. Mutambi uyo ndi ramavili makone Mulweli "Mr Knockout" Rasalanavho.
Vha tshi amba na vha nyanḓadza mafhungo ya Limpopo Mirror nga murahu ha u ndowendowe, Vho Nemakonde vhari Mulweli o ṱutshela mushumo wawe nga ṅwaha wa gidimbili fumi-malo uri avhe muraḓo wa Limpopo Boxing Academy uri a kone u tamba kha vha rinngi ya vhoramavili vha sa athu uvha vho makone.
"Ndi tenda uri Mulweli u ḓo vhuisa maḓuvha avhuḓi a mutambo wa mavili, musi Phillip Ndou na Cassius Baloyi vha tshe vhatambi vha mavili. U sumbedza a na vhukoni ha vhathu avho vhavhili nga nḓila dza u fhambana, vhune ho ṱangana avha ramavili makone. Dzina ḽawe ḽa 'Mr Knockout' asi dzina fhedzi," vha amba.
Mulweli una u ḓivhelwa u kunda vhoramavili vhane avha a khou lwa navho. O vhudza vha Limpopo Mirror uri kha nndwa dzawe dza fuṱahe-sumbe ono tou kundiwa kha dza malo fhedzi kha rinngi dza vhoramavili vha sa athu uvha makone. Kha nndwa dzawe dza fumalo-ṱahe o kunda kha dza fusumbe nga knock-out. "Naho ndi tshi lingedza u lwa lwa tshifhinga tshilapfu, ndi vha kunda kha luṱa lwa u thoma. Ndi shumisa vhukoni he nda vhu vhona kha ḽigwena kha mutambo wa mavili wa kale, Phillip Ndou".
Mulweli o thoma buḓo ḽawe ḽa uvha ramavili e fhasi ha Vho Nemakonde a tshe muṱuku. "Vha ḓivha vhukoni hanga na hune nda kundeliwa hone, ndi ngazwo ndo vhuya murahu khavho."
Una fulufhelo lauri u ḓovha ḽigwena kha mutambo wa mavili hu sa athu u fhela ṅwaha.