Ṱhalutshedzo nga Khathutshelo Raliphaswa.
Nga ṅwedzi wa Ṱhafamuhwe 2024, muimbi wa muzika wa nḓuni Mashudu Munyai o tshuwisa vhafuni vhawe nga u tshina nga tshipiḓa tsha u tshina kha gogo ḽo ḓalaho ngei Thohoyandou. O ana uri u ḓo isa phanḓa na u tamba hawe nga tshivhindi arali fhedzi vha tshi vhea zwiḽiwa kha ṱafula.
U ḓivhiwa sa Mrofha Cha Muimbi nga vhafuni vhawe vho ḓikumedzelaho, o vhuyelela kha nḓowetshumo nahone o no vha muambiwa wa ḓorobo nga murahu ha musi o bvisa nyimbo yawe ya zwenezwino, Makwapheni, nga Ṱhafamuhwe 2025.
Kha mushumo uyu muswa, Mrofha o ṱangana na muzika wa pop ine ya dzula i tshi khoudala Mukosi na Mevonator. Iyo single yo rekhodiwa ngei Kanana Music Miluwani nga muṋe wa phera yau imbela a ḓivheaho na mubveledzi Mevonator.
Nga ha mvetamveto ntswa, muimbi wa minwaha ya fumbili-thanu na mutshini wa Tshitanini Tshififi nnda nyana ha Thohoyandou o amba uri ndi tshinwe tsha zwithu zwa khwine zwo iteaho kha mushumo wawe wa muzika.
"A thi athu vhuya nda livhuhiwa nga u rali u bva tshe nda thoma u imba. U bva tshe nyimbo yanga ya bviswa, yo no kunga mbalo khulwane ya vhathu, nahone ndo wana milaedza i sa vhalei ya u fhululedza vhafuni nga u bvisa luimbo lwo ṱanḓavhuwaho nga u rali.
Makwapheni ndi nyeletshedzo ya ndeme kha vhane vha vha kha vhushaka ha nnḓa ha mbingano, i tshi vha ṱuṱuwedza uri vha "ḓivha vhuimo havho," Mrofha a ṱalutshedza.
O engedza nga uri, nga u ya ha tshifhinga, o vha o no vhona vhushaka vhunzhi na mbingano dzi tshi khou wa nga vhushaka ha nnḓa. O ri: "Ndo vhona nḓila ine vhana vha nga thungo vha ita ngayo zwoṱhe zwine vha nga kona u itela u kunga munna, vha tshi zwi ḓivha zwavhuḓi uri o mala." "Zwi fana na kha vhanna vhane vha wela kha vhafumakadzi vhane vha ḓivha uri vho mala. Hezwi ndi zwiṅwe zwa zwisima zwa khuḓano zwine nga zwiṅwe zwifhinga zwa fhela nga u fhandekana kana, mashudu mavhi, u vhulaha zwi sa ṱoḓei. Hezwi zwi fanela u fhela, nahone vhana vha nga thungo vha fanela u ḓivha vhuimo havho."
Lwendo lwa muzika wa Mrofha lwo thoma nga 2018 sa muimbi wau bvumela wa mme awe, Jah Lady Ndivho. Ipfi ḽawe ḽo nakaho ḽo mbo ḓi kunga vhathu nga u ṱavhanya, nahone mme awe vha mu ṱuṱuwedza uri a rekhode albamu yawe.
U bva tshe a bvisa dzi album nṋa: Vhafumakadzi, Lufu Lusongo Vhathu la Vhathu, Tshiseo Nga Nngwa, na Bruwari, wa u fhedzisela ndi tshumisano na muimbi a ḓivheaho Mukosi.