Ṱhalutshedzo nga Khathutshelo Raliphaswa.
U humela murahu huhulwane nga tshifhinga tshalitambwa la Lubunyu a zwo ngo thivhela mubveledzi wa mathangwa wa Venda Vho Murena Netshitagana ukunda kha pfufho ya mubveledzi wa Nṱhesa wa Afrika kha Vhuṱambo ha Matambwa ha Ḽifhasi ha Lambamai 2025 ngei Cannes, France.
Musi a tshi khou bveledza Lubunyu, litambwa lawe la u thoma, nga tshifhinga tsha u fhungudzwa ha muḓagasi huhulwane, dzhenereiṱa ya 50kVA yo mbo ḓi fhisa, zwa tshuwisa u bvisa mveledziso nḓilani. Fhedzi naho ho vha na khaedu, litambwa ili lo bvelela vhukati ha dzifilimu nnzhi dza Afrika nahone la ḓivhadzwa lwa tshiofisi sa mukundi nga ḽa 27 Lambamai . Vhuṱambo ha pfufho khulwane vhu ḓo farwa nga ḽa 28 Lambamai ngei Cannes.
Vho Netshitagana (34) vha bvaho muvhunduni wa Hakhakhu vha na diploma ya digirii ya nṱha kha u bveledza zwifanyiso zwi tshimbilaho u bva kha Yunivesithi ya Thekinoḽodzhi ya Tshwane.
Lubunyu, ḽine ḽa vha na tshiṱoho tshine tsha ri 'A Village Under Terror', ḽi tshimbilelana na thero ya vhuṱambo ha 2025 ha u lwa na khakhathi dzo thewaho kha mbeu na u vhulawa ha vhafumakadzi. Dzina ḽi ṱalutshedzelwa sa "The Naked Intruder", dzina ḽo ḓisendekaho kha muhumbulo wa muthu nga eṱhe na ḓivhazwakale ya mvelele.
Musi vha tshi khou amba na vha Limpopo Mirror, Vho Netshitagana vho ṱalusa maitele a u sika sa a pfumisaho na u ṱoḓa zwithu zwinzhi.
"Tshiṅwe tsha zwifhinga zwi sa hangwei zwo itea musi dzhenereitha ya 50kVA i tshi swa - zwihuluhulu khaedu nga tshifhinga tsha u fhungudzwa ha muhwalo. Kha tshiṅwe tshiitea, mutambi washu muhulwane o ngalangala a songo ḓivhadzwa, a imisa mveledziso lwa ḓuvha ḽithihi. Hezwi zwifhinga zwo linga u konḓelela hanga fhedzi zwo dovha zwa khwaṱhisa vhuḓikumedzeli hanga," a amba.
Muphirimia wa Limpopo Vho Dokotela Phophi Ramathuba vho fhululedza Vho Netshitagana, vha tshi ṱalusa u kunda havho sa tshifhinga tshi ṱalusaho vhasiki vha vhupo ha mahayani. "O vhea mapa wa Venda na Limpopo kha vhuimo ha ḽifhasi," vha amba.
Vho Netshitagana vhari litangwa ili ndi nganea yo pfumaho vhukuma nga muthu nga eṱhe na mvelele ine ya vhudzisesa kha vhulamukanyi, mvelele na vhufhura. U ṱuṱuwedzwa ho vha hu tshi bva kha tshenzhelo i vhaisaho musi a tshee muṱuku.
"Ri fhira ṅwedzi u pfufhiwa kha pfufho yo raloho. Musi ri tshi dzhena kha muṱaṱisano, ro vha ri tshi humbula uri ri khou sokou dzhia tshikhala. Hezwi zwo ri thusa u tenda kha riṋe vhaṋe, nahone zwino ri khou tea u bindudza tshifhinga kha u khwinisa vhukoni hapo u mona na Limpopo. Ri dovha ra fulufhela uri muvhuso u ḓo dzhenelela u ṋetshedza thikhedzo," vho ralo.
O amba nga ha vhavulanḓila vha zwa sinema Djibril Diop Mambéty na Ousmane Sembène sa ṱhuṱhuwedzo khulwane. "Tsini na hayani, thikhedzo, vhulivhisi na vhulivhisi ha mubveledzi wa matangwa wa Afrika Tshipembe wa ḓivhazwakale Ntshavheni wa Luruli zwo vha zwi zwa ndeme vhukuma," vho ralo.
Musi vha tshi vhudziswa uri ndi mulaedza ufhio une vha fulufhela uri vhaṱaleli vha ḓo u dzhia kha litangwa ili, Netshitagana vho amba uri Lubunyu i ṱoḓisisa thero dza vhulamukanyi, vhuṋe na vhufhura. O ri: "Zwi sumbedza nḓila ine nyofho na mutsiko wa matshilisano zwa nga khakhisa ngayo khaṱulokwayo, na nḓila ine khombo kanzhi ya dzumbama ngayo murahu ha tshifhaṱuwo tsho ḓoweleaho."