Story by Elmon Tshikhudo & translated by Raliphaswa Khathutshelo
Tshinyadzo Mudau ovha na tshithu tshithihi muhumbuloni wawe musi a tshi ya Tokyo u dzhenelela kha muṱaṱisano wau gidima a tshi bva Vhembe: u fhedza mbambe a wana dzina ḽawe ḽo nwaliwa na vhanwe vhane vha ita zwa dzi mbambe u mona na ḽifhasi. Uyu ndi muḽoro we a tama u u wedza lwa minwaha.
Mudau wa minwaha ya 50 u bva ngei Tshifuḓi, ndi muraḓo wa Faranani Athletics Club, o takutshedza nga Ḽavhuvhili , 28 Luhuhi, a tshiya Tokyo, dzi 5 Ṱhafamuhwe a dzhenelela mbambe. Mudau ovha munwe wa vhathu vha 45 000 vhe vha dzhenelela mugidimo wa 42.2 km vha u bva kha mashango u mona na ḽifhasi. O fhedza iri tharu na miniti dza 17, zwezwa mangadza vhathu sa izwi a tshi bva kusini, hune ahu wanali fhethu ha khwine ha u ita nḓowe-nḓowe dza mitambo.
"Ndi tshi thoma u gidima, ndo ḓi vhudza uri ndi fanela u swika gai. Ndia takala sa izwi ndo kona u swika he ndavha ndi tshi ṱoḓa u swika hone na miḽoro yanga i tshi wedza. Ndovha ndi tshi ṱoḓa u fhedza migidimo ya fumi ya Two Oceans na ya fumi ya Combrade, ndo zwi kona. Ndovha ndi tshi dzulela u ṱoḓa uḓi wana ndi tshi khou gidima na vhanwe vhagidimi vha nṱha; ndi tshi dzhenelela na migidimo mihulwane ino fana na mugidimo wa London ngei Britain, mugidimo wa Chicago ngei USA, migidimo ya New York and Boston ngei USA na mugidimo wa Berlin ngei Germany. U gidima Tokyo Marathon ngei Japan zwo ita uri ndi pfe ndo bveledza zwinzhi naho ndi khou tea u enda u mona na ḽifhasi," u ralo Mudau.
Mudau o vhuya a ita mbambe kha mugidimo ngei Israel, mugidimo wa Dublin ngei Ireand, mugidimo wa Paris ngei France na mugidimo wa Rotterdam ngei Netherlands.
"Bono ḽanga ndi Tokyo hovha hu u fhedza mbambe nda wana mendele nahone dzina ḽanga ḽo nwaliwa kha luvhondo lwa vhahulisei (World Majors Wall of Honour). Ndo ḓaleliwa nga dakalo kha zwe nda swikelela nga 5 Ṱhafamuhwe ṋaṅwaha. Hu touvha na vhagidimi vha 91 fhedzi fhano Africa vhane vha na medele uyu we nda pfufhiwa wone sa izwi zwi tshi konḓa u u swikelela, ndo ṱoḓa uvha tshipiḓa tsha ḓivhazwakale," Mudau a amba.