Tshiṱori nga Victor Mukwevho. Ṱhalutshedzo nga Khathutshelo Raliphaswa.
Mudzia u tzhipa wa fhano Vhembe ane a ḓivhea, Ofhani Mamphiswana Rantsana, oḓi vhonadza khothe ya madzhisiṱiraṱa ya Ṱhohoyanḓou nga Lavhuṱanu ḽa vhege yo fhiraho ḽa fumi-ṱhanu nga masiari. Nga nṱha ha milandu yau tzhipa miṋa ine a khou hwesiwa yone, u khou dovha hafhu a livhanywa na mulandu muthihi wau ṱangula oḓi ṱama, na mulandu muthihi wauvha na tshihali tsha khombo.
Rantsana ndi muhwelelwa ane ha khou pfi ovha a tshi zwima vhathu vha vhafumakadzi vhavha vhapondiwa vhawe vhone vha bva kha vhupo ha Ṱhohoyanḓou na tsini lwa minwaha ya tshivhalo yo fhiraho.
Shaka ḽa tsini kha muṅwe wa vhapondiwa, vhevha vhe afho khothe nga Lavhuṱanu ḽa vhege yo fhiraho ya ḽa fumi-ṱhanu musi i tshi dzula, vho amba zwauri murathu wavho o tzhipiwa lure na tshivhalo nga muhwelelwa atshi ita nau shushedziwa nga tshihali. Vha tshi amba na vho ramafhungo vha Limpopo Mirror vhari vha songo bulwa dzina uri vha tsireledze vhune ha mupondiwa, vho amba zwauri muhwelelwa o kunga mupondiwa ngau mu fulufhedzisa zwauri uḓomu isa kha iṅwe y dzi khamphani vhane vha khou thola vhashumi zwavho.
"Musi o fanela uri avha ise kha khamphani, o ḓou vha dzhia a vha isa fhethu ho khudaho he a swika vha tzhipa lwa tshivhalo tshi ita nau shushedza nga tshihali tshe avha o fara," vha amba.
Nga tshifhinga tsha u ḓi vhonadza khothe, Rantsana, nga kha muimeleli wawe wa legal aid, o ḓou isa khumbelo yauri vhathu vhakanḓisa zwifanyiso vha songo tendelwa nga ngomu khothe hune vha mu foda zwifanyiso musi a tshi senga, a tshi amba zwauri ene u muhumbulelwa, ha tshigevhenga tsho gwevhiwaho. Fhedzi vha khothe ndi vhe vha hana khumbelo yawe, vha tendela vhathu vha zwa dzi nyanḓadza mafhungo vha tshi shuma mishumo yavho.
Mutshutshisi wa lushaka vho vhudza khothe zwauri muhwelelwa ua ṱumanyiwa na milandu yoṱhe nga kha mvelelo dza DNA. Mutshutshisi vho dovha hafhu vha sumbedzisa zwauri hu nga engedziwa miṅwe milandu yau tzhipa malugana na Rantsana zwenezwi musi dzi ṱhoḓisiso dza mapholisa dzi tshi khou bvela phanḓa.
Mulandu wa Rantsana wo fhiriselwa phanḓa kha ḽa fumbili-malo Ḽara hune ya ḓo dovha hafhu y dzula khothe ya madzhisiṱiraṱa ya Ṱhohoyanḓou.