Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Mufhenyi wa Ṱhoḓa Vhukoni ya tshiṱitshi tsha Phalaphala FM, Tanganedzeni Mbedzi u ḓovha muraḓo wa tshiṱitsi ubva nga ḽa u thoma ḽa Fulwana ṅwaha-uno sa muhahsi muswa.
Mvelelo dza muṱaṱisano uyo dzo bulwa nga ḽa fumi ṱhanu Fulwi, ngei nḓuni dza khasho dza Ṱhohoyanḓou zwi tshi pfiwa nau vhonwa nga nnyi na nnyi na kha zwileludzi zwavhudavhidzani. Mbedzi uḓo hasha mbekanyamushumo ya Vhanḓilani na muhashi Given "Gvoice Mukwei wa Drumbas" Nekhumbe nga Mugivhela ubva nga awara ya sumbe u swika awara wa vhuṱahe, na mbekanyamushumo ya Mulakhulu ubva nga awara ya vhuraru u swika awara ya vhuṱanu nga matsheloni, Musumbuluwo u swika Lavhuṱanu.
Mbedzi o bebwa a aluswa Makwarela, fhasi ha khoro ya musanda wa Mphaphuli. O fhedza pfunzo dzawe dza phuraimari kha tshikolo tshau ṱanganya kilasi dza fhasi na dza nṱha tsha SASA, aya a dzhena tshikolo tsha nṱha tsha Mphaphuli, he a khunyeledza hone murole wa hu fumimbili.
Mbedzi una digiri tharu, hone zwa zwino u khou ita masiṱasi ya arts ya vhudavhidzani gudedzini ḽa Univen.
Nga ṅwaha wa gidimbili fumi-ṱahe, ovha muraḓo wa Univen FM sa muhashi, hune ovha a khaḓi shuma hone musi atshi kunda kha Ṱhoḓa Vhukoni. Mbedzi uri ovha a tshi dzulela udi ṱuṱuwedza sa muhashi nga dalela nḓuni dza khasho dza Phalaphala FM. "Ndo guda zwinzhi nga ha radio na uvha muhashi wa khwine sa izwi hovha hu wone muḽoro wanga ndi tshe muṱuku," amba.
Ovha o takala vhukuma mvelelo dza muṱaṱisano dzi tshi a ndadzwa. "Ndovha ndo takala uvha we a kunda kha muṱaṱisano uyu. Ndodi fulufhedzisa uri ndi ḓo shuma zwavhuḓi na nga vhuḓifulufheli. Ndi ṱoḓa uri vhathu vhe vha nkhetha na vha maranga phanda vhatshititshi tsha Phalaphala FM vha ḓi rwe khana nga nne, hone a vhango khakha nga u nthola," a engedza.
U livhuwa vhathu vhoṱhe vhe vha ḓi ṋea tshifhinga u mu khetha kha muṱaṱisano uyu na mushumo wawe muswa. Mbedzi uri u ṱanganyiswa na vhanwe vhahashi zwo mu ṱuṱuwedza uri a shume o ḓi imisela. "Ndi ṱoda u eletshedza vhaswa uri ndi zwa vhuṱhogwa u wana pfunzo u thoma, uri vha kone u thusa u bveledzisa mivhundu ine vha dzula khayo."