Ṱhalutshedzo nga Khathutshelo Raliphaswa.
Maḓana a vhathu vha bvaho kha vhupo hau fhambana u mona na tshiṱiriki tsha Vhembe na vhaṅwe vha bvaho kha vunḓu ḽa Gauteng vhovha vho ḓa u fhelekedza Vho Samuel Tsitahe hayani havho hau fhedzisela, vhe vhavha vhe mudzulatshidulo wa kale wa kiḽabu ya Dam Site Social Club na mutumbuli wa thimu ya bola ya Thavha Thavha Soccer Club. Vho Tshitahe vho lovha vhe na minwaha ya furathi-mbili, hone vho vhulungwa kusini kwa Maniini nga Mugivhela wa ḽa fumbili Fulwana mushumo wo farelwa kerekeni ya CWC.
Vho Tshitahe vho lovha nga Lavhuṋa ḽa fumi-thihi Fulwana hayani havho nga murahu ha u lwa na vhulwadze lwa tshifhinga tshilapfu. Vho sia Mufumakadzi Vho Thilivhali Victoria Tshitahe, vhana na vhaḓuhulu vhavho.
Vho Tshitahe vho bebwa fhala Mbaleni tsini na Ṱhohoyanḓou, he vha tshi aluwa vha ḓouvha muraḓo wa vhupileli ha Venda nga ṅwaha wa 1985. Nga murahu ha pfumbudzo yavho, vho ḓou vhewa tshiṱitshini tsha kale tsha Manenu Battalion tsini nyana na Tshilamba he nga murahu vha ḓou shuma kha shango ḽa Namibia (he kale ha vhidzwa South West Africa). Vha tshi vhuya fhano hayani Afrika Tshipembe, vho ḓou vhewa fhaḽa 15 SAI Battalion ire Vuwani. Vho notha kha zwa mmbi ya vhupileli ya Afrika Tshipembe nga ṅwaha wa 2022 he vha ḓou fhedza vhunzhi ha tshifhinga tshavho vhe mugudisi wa vhatambi vha bola dza Mulenzhe vhaṱuku.
Vho Prince Nemalamangwa, vhane ndi mudzulatshidulo zwa zwino wa thimu ya Dam Site Social Club, vho ṱahisa nga nḓila ye thimu iyo ya thoma ngayo nga ṅwaha wa 2010 fhaḽa Block G, F na Hamagidi Ṱhohoyanḓou. "Zwo thoma sa miswaswo hu tshi tou ṱangana vhanna vha ita guvhangano nga Sondaha hu tshi bikiwa ha ḽiwa ro ṱangana. Muṅwe wa mulayo hovha uri ari tendeli vhafumakadzi vha tshi ḓa kha guvhangano ḽashu sa vhanna. Vho Tshitahe vho ri gudisa uri maphapha a fanela u fhambanywa na khuhu, hone ha faneli u pusukanywa fhedzi a vheiwa fhethu huthihi a tou laṱwa nga murahu. Afho ndi hone he ra thoma u vhona vhudele ha Vho Tshitahe he vha vhu guda musi vhe sole," vha amba.
Vho Nemalamangwa vho amba zwauri Vho Tshitahe vho vha gudisa vhunzhi ha nḓila dzine vha ḓi kaidza ngadzo na usa pfukha mikano, fhedzi vha dzulele uvha na uḓi kukumusa sa munna. Thimu yavho yo ḓou aluwa nga zwiṱuku nga zwiṱuku he vha ḓou thoma u ḓivhiwa nga vhathu vha kule na nyanḓadza mafhungo dza lushaka. Miraḓo ya thimu vho ḓou vhamukundi vhapfufhiwa nga masheleni kha muṱaṱisano we wa dzudzanywa nga vha Phalaphala FM nga nḓila ye vha bika ngayo mukokoroshi wavho.
Musi vhaṅwe vha tshi ḓisa muhumbulu wau vulisa garaṱa bannganai yau vhea masheleni u itela maḓuvha a madakalo, munnaavhane Vho Tshitahe vho ḓou tikedza muhumbulu uyo nga tshihaḓu. Na zwino ri khou bvela phanḓa nau vhea masheleni ayo hune sa vhanna ra vhea masheleni thungo u itela maḓuvha ane ravha ri khou lila masheleni.