Tshiṱori nga: Maanda Bele. Ṱhalutshedzo nga: Khathutshelo Raliphaswa
Nga murahu ha minwaha ya fumi e kha nḓowetshumo ya vhonyalunako, Dancy Mulaudzi a bvaho vhuponi ha Nzhelele kha kusi kwa Luvhalani, u ḓovha munwe wa vha fumi-na-mbili vha khwine kha muṱaṱisano wa vhonyalunako wa Miss Makhado Royal wa ṋaṅwaha.
Dancy uri arali avha mukundi u ḓovha zwi tshi touvha khuliso khae, zwadovha hafhu uvha zwa ndeme. " Buḓo iḽi ndo ḽi thoma ndi na minwaha ya fumi-na-thihi, ndi kha murole wa vhurathi nda vha Miss Little Luvhalani nga nwaha wa 2012. Hovha hu u thoma ndi tshi dzhenelela muṱaṱisano uyo hone ndakunda . Ndi dzhenelela kha miṱaṱisano ya vhonyalunako ya u fhambana na zwa u bveledza zwiambaro, " a amba.
Zwa zwino e na minwaha ya fubili-mbili, Dancy uri u takalela uvha ṱhuṱhuwedzo kha vhanwe vhasidzana vha kusi kwawe. U takalela na u vha gudisa u ḓi ṱanganedza, u ṱongisa u fhambana havho na vhanwe vhathu na u lwa na kuhumbulele kwauri zwa miṱaṱisano ya vhonyalunako zwi touvha na vhane vhazwo vhane hapfi avha vho naka nga nḓila yo khetheaho. U tenda khauri muthu munwe na munwe anga dzhenelela miṱaṱisano iyi, vha pembela lunako lwavho na vhuṱali kana ṱhalukanyo dzavho.
Lwendo lwa uvha nyalunako kha Dancy ndi lune lwo ḓala nḓila dza u guda na uvha na tshenzhemo ntswa misi yoṱhe. Zwithu zwine Dancy ari khae ndi zwone zwa ndeme ndi lufuno vhukati ha vharathu na vhakomana, uvha na kuhumbulele kwavhuḓi kha muvhili wau, na u ṋea murahu kha vhadzulapo usa lavheleli malamba.
Dancy u dovha hafhu avha mutshini are na vhukoni na mugudisi wa mitshino. U gudisa vhana vhaṱuku u tshina. U dovha hafhu avha mubiki makone na murengisi wa zwiambaro.
Vhuṱambo ha u pfufhiwa ha Miss Makhado Royal vhu ḓo farwa nga ḽa fumi-rathi Nyendavhusiku, fhedzi fhethu ahu athu u anḓadzwa uri vhu ḓo farelwa ngafhi.