Tshiṱori nga: Kaizer Nengovhela. Thalutshedzo nga: Khathutshelo Raliphaswa.
Mugudiswa tshikolo tsha nṱha tsha Manaledzi, wa murole wa vhuṱahe, Dakalo Phaladi, o thulwa a lovha nga Lavhuraru ḽa vhege yo fhelaho nga goloi.
Uya nga ṱhanzi ye yazwi vhona nga maṱo, Dakalo wa minwaha ya fumiina ubva kha kusi kwa Ha-Ravele, ovha a na vhanwe vhagudiswa vha nḓilani ya uya tshikoloni musi goloi i tshi swika nga luvhilo luhulu. Mureili wa goloi iyo o balelwa u langa luvhilo lwa goloi yawe,vhalivha kha tshigwada tsha vhagudiswa avho , a thula Dakalo fhedzi. Dakalo o thulwa a lovhela hanefho.
Muambeli wa mapholisa a vunḓu ḽa Limpopo, Lt Col Vho-Malesela Ledwaba vho hwelela vhareili uri vha reile nga vhusedzi kha vhaendanganayo na vhanwe vhareili badani. Vha kaidza u reila nga luvhilo luhulu ha vhareili dzi badani. "Tshivhangi tsha khombo iyo a tshi ḓivhei zwa zwino. Mulandu wau lingedza u vhulaya wo vulwa, hone ṱhoḓisiso dzi khou bvela phanḓa," Vha amba.
Mme a Dakalo, Vho-Mpho Tshaduli, vhari vha muṱa vha khou lingedza u fhola kha tshiwo tsho bvelelaho. "Ndi mudzimu fhedzi vhane vha ḓivha uri ndi ngani zwo bvelela ngaurali. Zwia vhavha u lovhelwa nga ṅwana ngaurali," vha amba.
Thoho ya tshikolo tsha nṱha tsha Manaledzi, Vho Dokotela Samuel Tshigomana, vhari tshiwo itshi tsho vha kwama sa izwi Dakalo ovha e mugudiswa ane una ndavha na pfunzo yawe. Vhari vha khou lila na vha muṱa. "Ri ḓo humbela vha ḓivhi vha zwa zwipfi na muhumbulo uri vha ṋee thuso kha vhagudiswa vhane vho kwamea nga nḓila isi yavhuḓi nga tshiwo itshi," vha amba.
Mudzulatshidulo wa khoro ya Ha-Sinthumule, Vho-Makhado Sinthumule, vhari tshiwo hetshi tshi touvha masinḓambilu. Ndi kale vha tshi vhiga nga hau reila nga luvhilo ha vhareili. "Ro vhaisala vhukuma uri ho dovha hafhu ha lovha muṅwe muthu ndi nḓila i fanaho na hei," vha amba.
Dakalo u ḓo vhulungwa nga Mugivhela wa ḽa fumbili ḽa Shundunthule, mbulungo iḓo thoma nga awara ya vhurathi nga matsheloni.