Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Mbekanyomushumo ya Vhuragana kha Vhembe FM ya Mugivhela i hashwa nga Basetana Rivombo u bva nga iri ya vhurathi u swika nga iri ya vhuṱahe.
Rivombo o bebwa a aluwa kusini kwa Ha-Manavhela, kha vhupo ha Ha-Kutama. O dzhena tshikolo tsha fhasi tsha Ndidenzhe, aya a phasa murole wa vhufumi mbili kha tshikolo tsha nṱha tsha Ozias Davhana.
Rivombo ovha muhashi kha Makhado FM nga ṅwaha wa gidimbili fuminthihi Lara he a hasha mbekanyomushumo ya Romantic Breeze, ye ai hasha ubva Musumbuluwo u swika Lavhuṱanu ubva nga iri ya vhuṱahe u swika nga iri ya vhufumimbili.
Ono hasha mbekanyomushumo dza tshivhalo he a kona uvha na vhuḓifulufheli sa muhashi. Nga ṅwaha wa gidimbili fumbili, o bva kha sia la radio a shuma sa gudisi tshikoloni u swika nga Nyendavhusiku nga nwaha wa gidimbili fumbilimbili.
Lovha dakalo kha Rivombo atshi wana tshikhala tshau hasha kha Vhembe FM ṅwaha uno nga Lambamai. "Ndia ḓi rwa khana ngauvha muhashi wa zwine zwavha zwi khou bvelela, zwine zwa ita ṱhoho dza mafhungo nau ḓisa tshanduko kha vhanzhi. Heyi mbekanyomushumo i sedza zwine zwa itea u mona na ḽifhasi. Ṱhoho dza mafhungo dzine ra hasha nga hadzo ndi dzine dza vhuedza kha vhadzulapo. Ndi hasha mbekanyomushumo ine ya ntendela u davhidzana na vhathetshelesi nga ṱhoho ya mafhungo ine ndavha ndi khou hasha ngayo," a amba.
Rivombo uri kha mbekanyomushumo yawe ua davhidzana na vhathu vha maimo a nṱha u fana na vhathu vha polotiki na vha zwa nḓowetshumo ya u mvumvusa.
"Ndi muthu ane a funa mushumo wanga hone ndi aḓi nekedzela kha mushumo wanga kha Vhembe FM. Ndi ṱoḓa uḓi itela dzina ḽavhuḓi sa muhashi wa kha radio. Radio i ṱanganya vhathu na ḽifhasi. I dovha hafhu ya ṱuṱuwedza vhathu na uvha ṋea fulufhelo. Nga mbekanyomushumo dzine dza hashwa kha radio, vhathu vhaa kona u guda vhuḓi na vhuvhi hau ita zwithu. Uvha muhashi zwo nṋea tshikhala tshau ṋea murahu kha vhadzulapo," a amba.
Rivombo u tenda kha zwithu zwiraru zwine zwavha, U shuma woḓi nekedzela zwia badela, naho zwi tshi dzhia tshinga; miḽoro ia wedza nauri vhathu vha fanela u tshila na vhathu vhane vhavha ṱuṱuwedza khwine vhutshiloni, vhane vha amba maipfi a ṱhuṱhuwedza nau tikedza miḽoro yavho.