Tshiṱori Nga Elmon Tshikhudo. Ṱhalutshedzo nga Khathutshelo Raliphaswa.
Ho vha hu nga 2019 musi muḓivhi wa muhumbulo wa kiliniki Vho Mpho Dephney Neluvhalani vha tshi ngalangala nga nḓila i sa pfhesesei vha si na tshithu. Nga hetsho tshifhinga, mufumakadzi wa minwaha ya 32 ubva Ha Mphego nnda nyana ha Thohoyandou vho vha vha tshi khou shuma vhuongeloni ha ngei Brakpan, Gauteng.
Nga murahu ha u ngalangala hawe, muṱa wawe wo hanganeaho wo vha ṱoḓa fhethu hoṱhe fhedzi hu si na u bvelela.
Nga 2021, muthu o amba uri o mu vhona e na mufarisi wawe vunḓuni ḽa North West. Fhedzi musi mme awe vha tshi vhudzisesa munna uyo, o vha a tshi hanedza u vha e na Mpho kana u mu vhona zwawe.
U fhelelwa nga nungo, mme awe, Vho Tshilidzi Neluvhalani, vho mbo ḓi bvela phanḓa vha tshi khou humbela thuso. Tshigwada tsha WhatsApp tshi re na miraḓo i fhiraho 600 tsho vhumbiwa, tshe tsha vha thuso u ṱoḓana na Mpho khathihi nau vha ṋea na thikhedzo uya ngau fhambana. Vho dovha vha thola muṱoḓisisi wa wa mulandu waphuraivethe, fhedzi zwa sa thuse.
U bvelela ho fheleledza ho ḓa nga murahu ha miṅwaha ya ṱahe. Nga Lavhuraru la 24 Khubvumedzi, Vho Tshilidzi vho mbo di tanganedza lutingo lwa u lindelwa lwa tshifhinga tshilapfu vha tshi khou muvhudza uri Mpho o wanala North west. Vho vha vho takala vhukuma, vha gidimela u ṱangana na ṅwananyana wawe.
Kha nyambedzano na vha Limpopo Mirror, Tshilidzi vho sumbedza u livhuwa ho dzikaho: "Musi a tshi ngalangala, ndo humbula uri zwi ḓo vha maḓuvha a si gathi na uri u ḓo vhuya. Naho zwo ralo, awara dzo no shanduka maḓuvha, maḓuvha a vha maḓuvha na miṅwedzi ya vha miṅwaha. Tshifhinga tshoṱhe hetshi ndo pfa u nga tshipiḓa tshanga tsho dzhiiwa. Zwo vha zwi tshi vhonala u nga ndo vha ndi heleni, ndi sa ḓivhi uri ṅwananyana wanga a funwaho o vha e ngafhi. Musi ndi tshi ṱanganedza ṱhingo nga ḓuvha ḽa Vhufa, ndo pfa u nga ndi khou tou lora. Ro livhuwa vhukuma. Ndo vha a sa koni u lindela fhedzi nda gidimela North West, he nda dovha nda ṱangana na ṅwananyana wanga ane nda mu funa."
Vho ṱalusa u ṱangana ha vhathu nga nḓila yo dzikaho: "tshiimo tshe nda mu wana tshovha tshisi si tshavhuḓi na luthihi. Ro vha ri tshi fanela u mu isa vhuongeloni hune zwino a khou wana thuso. Ri kha ḓi vha ro lindela uri a fhole ri sa athu wana tshifanyiso tshi pfalaho tsha zwe zwa itea miṅwahani ya ṱahe ye a vha a tshi khou i ṱahela. U livhuwa hashu nga mbilu yoṱhe zwi ya kha vhoṱhe vhe vha vha vhe tshipiḓa tsha lwendo ulwu lu konḓaho."