Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Murendi wa Vhembe a ḓivheaho, muṅwali wa dzinyimbo na mutsila wa u rekhoda Mulalo Nenungwi o vhuya na tshiṅwe tshiṅwe tshifhiwa kha nḓowetshumo ya muzika.
U divhelwa nga maitele awe o khetheaho na milaedza ine ya ita uri muthu a humbule, muimbi wa thendo wa bvumo a bvaho Tshiṱavha Tshasambandou - ane a ḓivhiwa sa Mulalo the Poet - o bvisa nyimbo ya reggae ine ya pfi Peace World.
Nthihi, yo bveledzwaho nga mubveledzi wa mubveledzi na muṋe wa studio yo no vhaho na tshifhinga, yo bviswa nga Ṱhafamuhwe nahone i khou shuma zwavhuḓi kha dzipulatifomo dza u ḓimvumvusa. I bvela phanḓa na u khwaṱhisa bvumo ḽa mutsila nahone ya engedza ṱhuṱhuwedzo yawe kha zwa muzika.
Mulalo kha Ḽifhasi u khou tevhela u bvelela ha u bviswa hawe ha ṅwaha wa 2022 Shango lo Dzhenwa Ngani, zwe zwa ita uri vha vhe na u nangiwa kha Pfufho dza Muzika wa Mvelele dza Afrika Tshipembe (SATMA) nga 2023. Naho vha songo kunda, u dzhielwa nṱha ho vha tshiitea tshihulwane kha mushumo wavho.
"Mulalo kha Shango ndi tshililo tsha mulalo kha ḽino shango tshine tsha vha na vengo, hune wahashu wa tshinnani a vhulaha wahashu wa tshinnani a tshi shumisa mifuda yoṱhe ya zwihali zwo ṱanḓavhuwaho. U vhidzwa hanga 'ndi' maanḓa ane a vha u fhumudza zwigidi na u tshidza vhathu," o ralo.
U ya nga Mulalo the Poet, dzikhakhathi dzine dza khou bvela phanḓa ngei Russia, Ukraine, Israele, Yemen, DRC, Sudan na Libya, vhukati ha zwiṅwe, ndi tshisima tshihulwane tsha mbilaelo nahone dzi fanela u fheliswa.
"Ndo sika luimbo nga Luisimane uri lu pfesesee na u pfeseswa nga vhoṱhe. Ri nga si kone, sa vhadzulapo vha ṱhogomelaho, u dzula na u ṱalela ngeno zwigidi zwi tshi khou fhisa na zwiṅwe zwihali zwo ṱanḓavhuwaho zwi tshi khou shumiswa u fhelisa vhuthu. Ndi khou engedza ḽiṅwe ipfi kha maipfi ane a khou lila uri hu vhe na mulalo. Lutamo lwanga ndi lwa uri mulaedza u swike kha dzikhona dzoṱhe dza shango, nga maanḓa mashango ane a khou ṱangulwa nga nndwa. Roṱhe ri fanela u ima ra amba nga ipfi ḽithihi uri ri ambe uri zwigidi zwi fanela u fhumula," Vho Nenungwi vha amba.
Murendi na muimbi zwa zwino u khou shuma kha aḽibamu yawe ya vhuraru, ine a khou dzudzanya u i bvisa hu si kale.