Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Nga ṅwaha wa 2023, ṅwaha wo fhelaho, Mulalo Nenungwi ane avha murendi a ḓivheaho o ḓouvha muṅwe wa vho nkhetheni kha pfufho dza APAPA dza muzika wa Tshivenda kha muzika wa sialala, fhedzi a kundelwa u ukunda kha tshiteṅwa tshe avha nongwa khatsho. Ṅwaha uno, u khou dzhenelela khau khethiwa kha pfufho dza African Print Authors na Poetry Awards kana dzi APAPA.
Musi murendi uyu ane a bva muvhunduni wa Tshiṱavha Tsha Sambandou, ane a ḓivhea khwine nga ḽa Mulalo the Poet, a songo kunda kha muṱaṱisano wa ṅwaha wo fhiraho, o ḓou amba zwauri ene o tou vhuya hayani o ṱuṱuwedzea uri a ite zwinzhi zwa khwine. O ḓou fulufhela kha aḽibamu yawe ine ya vhidzwa Shango ḽo Dzhenwa Ngani.
Zwi touvha khagala, vhaṅwe vhathu vho vha na bono ḽau fana nae, sa izwi o khethiwa nga kha tshiteṅwa tsha murendi wa khwiṋe wa munna na murendi wa ramuzika wa khwine kha pfufho dza APAPA. "Ndi tenda khauri zwa zwino mudzimu vho mmbetshela gundo ḽanga. Musi ndi tshi khethiwa ṅwaha wo fhiraho, ndovha ndi na fulufhelo ḽauri ndi ḓo vhuya na tshiphuga, fhedzi zwisi tshimbile nga nḓila ye ndavha ndi songo lavhelela. Fhedzi naho Zworalo athingo nyama, zwo tou nṱuṱuwedza uri ndi shume ndo khwaṱhisa. Zworali zwi tou sumbedza uri vhathu vha khou vhona mishumo yanga," a amba.
Mulalo uri u na fulufhelo ḽauri zwa zwino uḓo takadza vhahaṱuli kha muṱaṱisano uyu wa na ṅwaha. "Naho ndi si kundelwa kha zwiteṅwa zwoṱhe, nda kunda kha tshithihi zwi ḓovha zwo lingana. Ndi na fulufhelo ḽauri ndi ḓo vhuya na tshiphuga hayani," a amba.
Zwa zwino u kha nzudzanyo dza aḽibamu yavho ine ya ḓo anḓadzwa mafheloni a ṅwaha uno. "Vhureni ndi mbidzo kha nṋe. Ngakhaho ndi hone hune nda kona u funza nau tsivhudza tshitshavha uri vha ḓivhe ngoho dza vhutshilo," a amba.
Vhuṱambo ha dzi pfufho ndi vhune ha ḓo farelwa fhaḽa Soweto sentharani ya tshitshavha ya Tshiawelo. Ḓuvha ḽa vhuṱambo ndi ḽa furaru Ḽara ṅwaha uno.