Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Kha ṱhanganyelo ine a i athu u vhonala kha muzika wapo, u ṱoḓa muzika une wa khou gonya Mickeyblack, ane a takalelwa nga vhanzhi kha nḓowetshumo ya muzika, o ṱanganela na muimbi a ḓivheaho Mulaudzi Tee Jay nahone a ḓa na nyimbo ya mafhungo madifha a amapiano a homolosaho, Songo Nyama.
Kha nyimbo, ye ya bviswa nga Ḽavhuṱanu, ḽa 7 Ṱhafamuhwe, muimbi Mulaudzi Tee Jay na vhone vho vha vha tshi ṱoḓa vhabveledzi vha nṱha DJ Sols, DJ Search, Emjaykeyz na Thee. Luimbo lwo rekhodiwa ngei Thembisa kha Gwamasenga Studio nahone lwo bveledzwa nga DJ Search .
U ya nga Mulaudzi Tee Jay, o vha a tshi dzulela u tama u ita tshumisano na ṋaledzi ṱhukhu, ine ya khou bvelela. "Ndo ṱangana na Mickeyblack kha tshifhaṱo tsha SABC 2 Auckland Park ngei Gauteng nga ḽa 17 Ḽara ṅwaha wo fhiraho, nahone ndo vha ndi sa zwi ḓivhi uri u ṱangana hu ḓo ita uri hu vhe na tshithu tshihulwane nga u rali.
O engedza nga uri vhuvhili havho vho vha vho takala vhukuma u ṱangana. "Ro ṋeana nomboro dza luṱingo nahone zwo salaho ndi ḓivhazwakale nahone ndi nga ni vhudza, u shuma nae zwo vha zwi tshi khou bva na u homolosa. O vha e na fulufhelo ḽa uri a si mushumo wa luthihi, fhedzi uri vhaimbi vhavhili vha ḓo shumisana kha mushumo wa tshifhingani tshi ḓaho.