Tshiṱori nga: Maanda Bele. Ṱhalutshedzo nga: Khathutshelo Raliphaswa.
Nyalunako Munei Tsanwani wa minwaha ya fumbili-na-ṱhanu o nangwa uvha munwe wa vha fumi-na-mbili vha khwine vha muṱaṱisano wa Miss Lifhasi Afrika Tshipembe. U dzula vhuponi ha Biaba, Nzhelele.
Munei ndi ṱholi ya u khwaṱhisedza zwidodombedzwa zwa mutakalo nga pfunzo, ane avha na ndoro ya u maanḓafhadza vhaswa nga pfunzo yo fanelaho, zwikhala zwa mishumo, na u ṱuṱula mihumbulo yavho ya vhubindudzi.
"Tshenzhemo yanga yo ngudisa uri ndi vhe na mbilu ndapfu, hone pfunzo yo nṋea zwishumiswa zwa u ambela khaedu dzine vhathu ra ṱangana nadzo, u fana na ṱhahelelo ya mishumo. Ndi tenda uri ro ṋeiwa mpho dzo fhambanaho dzine ra fanela u dzi shumisa u ḓisa tshanduko mivhunduni yashu. Nne ndi zwi vhidza u tshenisa hune iwe mune wavha hone," a amba.
Munei o thoma lwendo lwawe lwa uvha nyalunako a tshi pfufhiwa uvha Miss Royal Gardens. Nga ha pfufho yawe ya zwino, Munei uri u na ndivhuwo na u ḓalelwa nga dakalo uri o kona u swikelela hune a vha hone kha muṱaṱisano uyu. "Naho ndi sina tshenzhemo nga ha uvha nyalunako, ndo dzhia tsheo ya u dzhenelela muṱaṱisano wa Miss Afrika Tshipembe ṅwaha wo fhelaho, fhedzi nda kundelwa u swika kha vha khwine. Hari hu tshi bvelela tshikhala tsha u dzhenelela munwe muṱaṱisano naṅwaha, nda tshi fara nga zwanḓa zwivhili. Uvha tshipiḓa tsha muṱaṱisano uyu zwi touvha phaṱhutshedzo kha nṋe sa izwi ndo wana tshikhala tsha u tshimbila lwendo na vhanwe vho nyalunako vha u mona na shango ḽa Afrika Tshipembe vhane vha imela zwinzhi zwa u fhambana kha matshilo avho na uvha ipfi ḽa vhane vha balelwa u ḓi ambela," u amba.
Munei u dovha hafhu avha munwe wa vhatumbuli vha dzangano ḽa Alfred Kutama ḽine ḽa thusa vha miṱa i shayaho vha mivhundu ya mahayani ya Vhembe nga u vha ṋea zwiliwa nga maḓuvha a vhuawelo.
Munei u livhuwa vha muṱa wawe vhane vha mu tikedza kha zwoṱhe zwine a dzulela u ita. "Muṱa wanga vha vhona zwine nṋe nda balelwa u zwi vhona kha nṋe mune, vha dovha hafhu vha ntikedza zwine zwa nṱuṱuwedza uri ndivhe na maanḓa a u bveledza ndoro dzanga. Thikedzo ine vha nṋea ndi yone ye ya nṱuṱuwedza uri ndi dzhenelele muṱaṱisano uyu," a amba.
Vhuṱambo ha u pfufhiwa hu farwa nga ḽa fumbili-na-malo ḽa Tshimedzi ngei State Theatre Tswane. U swika nga ḓuvha iḽo, vhonyalunako avho vha ḓovha vha khou ḓi alusa nga nḓila dza u fhambana na uvha vhaimeleli vha muṱaṱisano uyu.