Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Muṅwali adivheaho wa fhano hayani Ntsako Nhombelani u bva kusini kwa Jimmy Jones, vhuponi ha Malamulele o pfufhiwa nga tshiphuga kha muṱambo ha u pfufhiwa zwi phuga zwa vhurathi zwa ṅwaha na ṅwaha zwa u hulisa vhaṅwali zwa AfriCAN Global dza ṅwaha uno. O pfufhiwa kha tshitenwa tsha vharendi, nga zwirendo zwawe zwa bugu ye ya vhidzwa, "In the Corner of My shack". Vhuṱambo uho ho farelwa mavhengele tserekano a Genesis ngei Johannesburg nga ḽa furaru-thihi Fulwana.
Khuvhanganyo ya zwirendo zwawe, yo anḓadzwa nga ṅwedzi wa Lambamai ṅwaha-uno. Ntsako ndi rapolotiki e a fhedza vhunzhi ha maḓuvha awe a mugudiswa a tshi ita dzi khunguwedzo dzau lwela u wana pfunzo ya u lingana nga kha madzangano a vhagudiswa. Nga ṅwedzi wa Nyendavhusiku mahola, o anḓadza bugu yawe ya vhuṱanu, ye ya vhidzwa "Khom'reti". Uri u ṱoḓa uri mushumo wawe uvhe na ṱhuṱhuwedzo ya vhuṱhogwa kha matshilo a vhathu na zwine ra ṱangana nazwo ḓuvha liṅwe na liṅwe.
Vhathu vha fhiraho maḓana mavhili vhovha dzi thanzi khavhuṱambo uho. "Ndo pfa ndo hulisea ngauri vho kona u vhona vhutsila hanga. Zwi sumbedza uri huna vhathu vhane vha pfesesa uri ria kona u ḓisa tshanduko matshiloni a vhathu nga vhutsila hashu ha u ṅwala. Heyi ndi bugu yanga ya u thoma ye nda ṅwala nga Lungedzi, ndi anzela u ṅwala nga luamba lwanga lwa damuni 'Xitsonga'," a amba.
Khuvhaganyo yawe ya zwirendo ndi tsumbo na vhuṱanzi kha muya wa u konḓelela ha vhathu, i angaredza dakalo na u kundelwa ha vhathu vha Afrika Tshipembe. Ntsako uri bugu iyi i dovha hafhu ya vha tshihumbudzo uri vhadzimu a vha ngo furalela vhathu vhavho, hone vhovha siela ifa na zwine vha nga shumisa u bvelea phanḓa.
"'Zwine nda ofha nga vhalweli vha ḓi bveledza saa vhahulwane vhane vha reila mimoḓoro mihulwane na u shumisa zwibveledzwa zwa shango uri vha dzula fhethu ha mavhai-vhai nau kuvhanganya lupfumo'. Aya ndi maipfi a Chris Hani minwaha yo fhiraho, hu saathu u bebwa zwifhinga zwa u lwela, fhedzi na namusi zwi tshe hone," a amba a tshi amba mitaladzi kha ndima ya vhuṋa kha 'In the Corner of My Shack'.
Ntsako uri u ṱoḓa u vha ṱhuṱhuwedzo kha vhanzhi, zwihulu vhanwali vhane vha khou thoma zwa zwino.