Translated by Khathutshelo Raliphaswa
Ntshengedzeni Munyai a bvaho ngei kha kusi kwa Madombidzha kha ḽa Ha-Sinthumule ane a ḓivhea khwine sa "Muntshe", u shumisa vhukoni hawe u leludza vhutshilo hawe. Muntshe ndi murungi wa zwienda, ane a shuma kha vhengele ḽawe fhaḽa kha ḓorobo ya Louis Trichardt tsini na zwinamelo zwa nnyi na nnyi, hune a shuma u runga zwienda zwa kale.
Muntshe una minwaha i fhiraho 15 a kha sia ḽau runga hone hango zwi gudela kana u gudisiwa nga muthu. "Ndovha ndi sa toḓi uḓi dzhenisa kha vhugevhenga sa izwi ndo no vhona vhaswa vhanzhi vha tshi tshinyadza vhumatshelo havho nga vhugevhenga vha fhedza vho fhelela khothoni. Ndi shuma ndo ḓi funga kha mushumo wanga, zwi ṋea na vhutshilo hanga mulalo ḓuvha ḽinwe na ḽinwe".
Muntshe u ḓirwa khana ngauvha na mitengo yawe ndi ine ya swikelelea nga vhathu vhanzhi. "Vhunzhi ha vhathu vhane vha ḓisa zwienda kha nne vha bva kha mashango a kule unga Nzhelele, Elim na Sinthumule/Kutama. Zworalo, hu ḓi vha na vhane vha touḓi sendeka nga kha nne vhane vha ḓisa zwienda zwavho misi yothe. Zwienda izwi zwine vhathu vha ḓisa zwivha zwo fhambanana na nḓile ine zwo tshinyadzea ngayo, ndi saathu runga zwienda, ndi vhona hu zwa vhuṱhogwa uri ndi zwi fhenḓe huu itela u wana nḓila ya khwine yau runga ndo sedza na tshikwama tsha muthu o ḓisaho zwienda.
Muntshe haathu shuma zwinwe nga nnda ha u runga, nau runga u runga e eṱhe. Muntshe u touvha ṱhuṱhuwedzo yawe ene muṋe uri na mushumo wawe uvhe u fushaho ḓuvha ḽinwe na ḽinwe kha vhathu. Una miḽoro mihulu kha bindu lawe, muḽoro muhulwane ndi uri aḓi wane ana mavhengele manzhi au runga zwienda o sikela vhaswa mishumo kha vunḓu ḽawe.
Muntshe u ṱuṱuwedza vhaswa uri vha ḓi imise nga vhoṱhe, vha shumise vhukoni havho u leludza vhutshilo havho. "Vhunzhi ha zwithu zwi khou konḓa na mishumo i khou konḓa u wanala. Muthu u tea uvha na mbonela phanḓa a takutshedza aḓi imisa, a ḓirwa khana nga mushumo une a shuma. Ni songo ḓi dzhiela fhasi hone ni ṱutshele zwikambi na zwidzidzivhadzi," a eletshedza.