Tshiṱori nga: Maanda Bele. Ṱhalutshedzo nga: Khathutshelo Raliphaswa.
Munzhedzi Mabirimisa wa minwaha ya fumbilisumbe wa ubva kusini kwa Tshirolwe Nzhelele ndi musidzana are na vhutsila ha zwiḓolo, ndi kale atshi khou lingedza uvha kha nḓowetshumo ya fiḽimu na vhumvumvusi, fhedzi ahuna ane a khou mu thusa kha sia iḽo.
Mabirimisa o ṱhaphudza pfunzo dzawe gudedzini ḽa The Face to Face Beauty and Make-up ngei Northwest, Potchefstroom, nga ṅwaha wa gidimbili fumiṱhanu. U ṱhaphudza pfunzo dzawe kha gudedzi iḽi, zwo mu vhea sa munwe wa vhaḓivhi vha zwiḓolo, manala nau netulusa muvhili.
Mabirimisa o vhuya hayani uri a vule bindu lawe naho huna dzi khaedu dzine muthu anga ṱangana nadzo kha uvha ramabindu mivhunduni. "Ndovha ndi sina muḽoro wa uvha muḓivhi zwa zwiḓolo, fhedzi nga murahu hau ṱhaphudza murole wa vhu fumi-mbili, nau shavha u dzula hayani hu sina zwine nda ita, ndo dzhia tsheo ya uḓi ṅwalisa kha tshikolo tsha zwidolo nau nakisa. Ndi he nda thoma u takalela mushumo une nda ita," a amba.
Mabirimisa u fhedza vhunzhi ha tshifhinga tshawe atshi khwinifhadza vhukoni hawe hau shumisa zwiḓolo. Uri khae, minete ya fuina-ṱhanu uya kha awara ndi tshifhinga tshine anga shumisa kha mushumo wawe. U ṱoḓa u ḓisa tshanduko kha muvhundu wahawe, fhedzi ha khou wana thikhedzo ine ai lavhelela.
"Khaedu yanga khulwane ndiu ṱanganywa na vhathu. Ndi na ṱhoḓea dzo fanelaho, hone ndia tama uḓi wana ndi tshi khou shuma na dzi khamphani dza thelevishini na filimu, fhedzi ndi khou kundelwa u dzhena kha nḓowetshumo iyi. Ndi ṱoḓa u sumbedza vhukoni hanga hau bveledza vhutshilo ngau shumisa zwiḓolo. Ndo no guda na mveledziso nnzhi vhukuma. Ndi ṱoḓa uri vhukoni hanga vhu ṱuṱuwedze vhathu vhanzhi nauri ndi ḓivhee u mona na shango," a amba.