Tshiṱori nga: Kaizer Nengovhela & Nga Raliphaswa Khathutshelo Raliphaswa
Timothy Munzhelele u na fulufhelo uri u ḓo gidima zwavhuḓi kha mbambe ya Two Oceans ngei Kapa, mbambe i ḓovha nga 15 Lambamai. Munzhelele ndi mugidimi makone we a wina mendele wa musuku kha mbambe ya Spar Tzaneen Tuffy 4-in-1 vhege yo fhiraho.
Munzhelele a bvaho Makonde, ane avha muraḓo wa kilabu ya Murray & Robert Athletics, o fhedza mbambe ya Mugivhela ngei Tzaneen nga murahu ha awara mbili na minete ya fuina thanu(2:45). Kha vhege ya u rangela iyi yo fhiraho ofhedza a khavhimo ha vhuna kha mbambe ya Marakele.
O vha o takala vhukuma a tshi kunda kha mbambe Tzaneen. "Yovha mbambe i konḓaho kha nne, fhedzi zwoṱhe zwo tshimbila nga nḓila ye ndavha ndo lavhelela yone. Ndovha ndi songo lavhelela uri i ḓo vha mbambe ya u ṱavhanya nga u rali," u ralo. Ṅwahoḽa o vhina kha nomboro ya vhuvhili.
Munzhelele o thoma u gidima a kha pfunzo dzawe tshikoloni tsha nṱha tsha Nyadzani kusini kwa Thengwe. "Tshinwe na tshinwe tshi bva kha uḓi vhudza na uḓi imisela. Ndi muthu ane u shuma nga uḓi imisela sa izwi ndi tshi khwinifhadza vhutshilo hanga nga u gidima, hone nga kha thikhedzo ine thimu yanga ya nṋea yone, ndi fulufhela zwa khwine."
Munzhelele u ṱwa a khou ita nḓowe-nḓowe. "Ndi fulufhela uri zwa mitambo zwi ḓo nthusa u lugisela vhumatshelo hanga. U dzhenelela kha zwa mitambo zwi nthusa u bvelela kha zwinwe kha vhutshilo. Zwi nthusa u dzulela uvha na dzangalelo ḽa zwa mitambo," u amba.
U tenda na u livhuwa vhathu vhoṱhe vhe vha mu tikedza kha u gidima hawe. "Vhathu vhanzhi vho nthusa nga masheleni nau nṱuṱuwedza uri ndi shuma nga uḓi imisela. Ngavhe hu sivhe vhone, thi humbuli uri ndovha ndi tshi ḓo swika hune nda vha hone," U ralo.
Ngeletshedzo yawe kha vhanwe vha zwamitambo vhane vha ṱoḓa u bveledza ndivho dzavho vha dzulela u shuma nga uḓi imisela hone vha vhee zwoṱhe zwanḓani zwa mudzimu.